Jehoiada

26 פסוקים · 2 בני משפחה

ידוע גם בשם: Barachias

פסוקים המזכירים את Jehoiada

2 מְלָכִים י״א:ד׳
ובשנה השביעית שלח יהוידע ויקח את שרי המאיות לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלך׃
2 מְלָכִים י״א:ט׳
ויעשו שרי המאיות ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהן׃
2 מְלָכִים י״א:ט״ו
ויצו יהוידע הכהן את שרי המאיות פקדי החיל ויאמר אליהם הוציאו אתה אל מבית לשדרת והבא אחריה המת בחרב כי אמר הכהן אל תומת בית יהוה׃
2 מְלָכִים י״א:י״ז
ויכרת יהוידע את הברית בין יהוה ובין המלך ובין העם להיות לעם ליהוה ובין המלך ובין העם׃
2 מְלָכִים י״ב:ב׳
ויעש יהואש הישר בעיני יהוה כל ימיו אשר הורהו יהוידע הכהן׃
2 מְלָכִים י״ב:ז׳
ויקרא המלך יהואש ליהוידע הכהן ולכהנים ויאמר אלהם מדוע אינכם מחזקים את בדק הבית ועתה אל תקחו כסף מאת מכריכם כי לבדק הבית תתנהו׃
2 מְלָכִים י״ב:ט׳
ויקח יהוידע הכהן ארון אחד ויקב חר בדלתו ויתן אתו אצל המזבח בימין בבוא איש בית יהוה ונתנו שמה הכהנים שמרי הסף את כל הכסף המובא בית יהוה׃
2 דִּבְרֵי הַיָּמִים כ״ב:י״א
ותקח יהושבעת בת המלך את יואש בן אחזיהו ותגנב אתו מתוך בני המלך המומתים ותתן אתו ואת מינקתו בחדר המטות ותסתירהו יהושבעת בת המלך יהורם אשת יהוידע הכהן כי היא היתה אחות אחזיהו מפני עתליהו ולא המיתתהו׃
2 דִּבְרֵי הַיָּמִים כ״ג:א׳
¶ ובשנה השבעית התחזק יהוידע ויקח את שרי המאות לעזריהו בן ירחם ולישמעאל בן יהוחנן ולעזריהו בן עובד ואת מעשיהו בן עדיהו ואת אלישפט בן זכרי עמו בברית׃
2 דִּבְרֵי הַיָּמִים כ״ג:ח׳
ויעשו הלוים וכל יהודה ככל אשר צוה יהוידע הכהן ויקחו איש את אנשיו באי השבת עם יוצאי השבת כי לא פטר יהוידע הכהן את המחלקות׃
2 דִּבְרֵי הַיָּמִים כ״ג:ט׳
ויתן יהוידע הכהן לשרי המאות את החניתים ואת המגנות ואת השלטים אשר למלך דויד אשר בית האלהים׃
2 דִּבְרֵי הַיָּמִים כ״ג:י״א
ויוציאו את בן המלך ויתנו עליו את הנזר ואת העדות וימליכו אתו וימשחהו יהוידע ובניו ויאמרו יחי המלך׃
2 דִּבְרֵי הַיָּמִים כ״ג:י״ד
ויוצא יהוידע הכהן את שרי המאות פקודי החיל ויאמר אלהם הוציאוה אל מבית השדרות והבא אחריה יומת בחרב כי אמר הכהן לא תמיתוה בית יהוה׃
2 דִּבְרֵי הַיָּמִים כ״ג:ט״ז
ויכרת יהוידע ברית בינו ובין כל העם ובין המלך להיות לעם ליהוה׃
2 דִּבְרֵי הַיָּמִים כ״ג:י״ח
וישם יהוידע פקדת בית יהוה ביד הכהנים הלוים אשר חלק דויד על בית יהוה להעלות עלות יהוה ככתוב בתורת משה בשמחה ובשיר על ידי דויד׃
2 דִּבְרֵי הַיָּמִים כ״ד:ב׳
ויעש יואש הישר בעיני יהוה כל ימי יהוידע הכהן׃
2 דִּבְרֵי הַיָּמִים כ״ד:ג׳
וישא לו יהוידע נשים שתים ויולד בנים ובנות׃
2 דִּבְרֵי הַיָּמִים כ״ד:ו׳
ויקרא המלך ליהוידע הראש ויאמר לו מדוע לא דרשת על הלוים להביא מיהודה ומירושלם את משאת משה עבד יהוה והקהל לישראל לאהל העדות׃
2 דִּבְרֵי הַיָּמִים כ״ד:י״ב
ויתנהו המלך ויהוידע אל עושה מלאכת עבודת בית יהוה ויהיו שכרים חצבים וחרשים לחדש בית יהוה וגם לחרשי ברזל ונחשת לחזק את בית יהוה׃
2 דִּבְרֵי הַיָּמִים כ״ד:י״ד
וככלותם הביאו לפני המלך ויהוידע את שאר הכסף ויעשהו כלים לבית יהוה כלי שרת והעלות וכפות וכלי זהב וכסף ויהיו מעלים עלות בבית יהוה תמיד כל ימי יהוידע׃
2 דִּבְרֵי הַיָּמִים כ״ד:ט״ו
ויזקן יהוידע וישבע ימים וימת בן מאה ושלשים שנה במותו׃
2 דִּבְרֵי הַיָּמִים כ״ד:י״ז
ואחרי מות יהוידע באו שרי יהודה וישתחוו למלך אז שמע המלך אליהם׃
2 דִּבְרֵי הַיָּמִים כ״ד:כ׳
ורוח אלהים לבשה את זכריה בן יהוידע הכהן ויעמד מעל לעם ויאמר להם כה אמר האלהים למה אתם עברים את מצות יהוה ולא תצליחו כי עזבתם את יהוה ויעזב אתכם׃
2 דִּבְרֵי הַיָּמִים כ״ד:כ״ב
ולא זכר יואש המלך החסד אשר עשה יהוידע אביו עמו ויהרג את בנו וכמותו אמר ירא יהוה וידרש׃
2 דִּבְרֵי הַיָּמִים כ״ד:כ״ה
ובלכתם ממנו כי עזבו אתו במחליים רבים התקשרו עליו עבדיו בדמי בני יהוידע הכהן ויהרגהו על מטתו וימת ויקברהו בעיר דויד ולא קברהו בקברות המלכים׃

מציג 1–25 מתוך 26 פסוקים

1 2 הבא