פסוקים על Athaliah

15 פסוקים · 3 היבטים

פסוקי מפתח

  1. 2 מְלָכִים י״א:א׳

    ¶ ועתליה אם אחזיהו וראתה כי מת בנה ותקם ותאבד את כל זרע הממלכה׃

  2. 2 מְלָכִים י״א:ב׳

    ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃

  3. 2 מְלָכִים י״א:ג׳

    ויהי אתה בית יהוה מתחבא שש שנים ועתליה מלכת על הארץ׃

  4. 2 מְלָכִים י״א:י״ב

    ויוצא את בן המלך ויתן עליו את הנזר ואת העדות וימלכו אתו וימשחהו ויכו כף ויאמרו יחי המלך׃

  5. 2 מְלָכִים י״א:י״ג

    ותשמע עתליה את קול הרצין העם ותבא אל העם בית יהוה׃

  6. 2 מְלָכִים י״א:י״ד

    ותרא והנה המלך עמד על העמוד כמשפט והשרים והחצצרות אל המלך וכל עם הארץ שמח ותקע בחצצרות ותקרע עתליה את בגדיה ותקרא קשר קשר׃

  7. 2 מְלָכִים י״א:ט״ו

    ויצו יהוידע הכהן את שרי המאיות פקדי החיל ויאמר אליהם הוציאו אתה אל מבית לשדרת והבא אחריה המת בחרב כי אמר הכהן אל תומת בית יהוה׃

  8. 2 מְלָכִים י״א:ט״ז

    וישמו לה ידים ותבוא דרך מבוא הסוסים בית המלך ותומת שם׃

  9. 2 דִּבְרֵי הַיָּמִים כ״ב:י׳

    ועתליהו אם אחזיהו ראתה כי מת בנה ותקם ותדבר את כל זרע הממלכה לבית יהודה׃

  10. 2 דִּבְרֵי הַיָּמִים כ״ב:י״א

    ותקח יהושבעת בת המלך את יואש בן אחזיהו ותגנב אתו מתוך בני המלך המומתים ותתן אתו ואת מינקתו בחדר המטות ותסתירהו יהושבעת בת המלך יהורם אשת יהוידע הכהן כי היא היתה אחות אחזיהו מפני עתליהו ולא המיתתהו׃

  11. 2 דִּבְרֵי הַיָּמִים כ״ב:י״ב

    ויהי אתם בבית האלהים מתחבא שש שנים ועתליה מלכת על הארץ׃

  12. 2 דִּבְרֵי הַיָּמִים כ״ג:י״ב

    ותשמע עתליהו את קול העם הרצים והמהללים את המלך ותבוא אל העם בית יהוה׃

  13. 2 דִּבְרֵי הַיָּמִים כ״ג:י״ג

    ותרא והנה המלך עומד על עמודו במבוא והשרים והחצצרות על המלך וכל עם הארץ שמח ותוקע בחצצרות והמשוררים בכלי השיר ומודיעים להלל ותקרע עתליהו את בגדיה ותאמר קשר קשר׃

  14. 2 דִּבְרֵי הַיָּמִים כ״ג:י״ד

    ויוצא יהוידע הכהן את שרי המאות פקודי החיל ויאמר אלהם הוציאוה אל מבית השדרות והבא אחריה יומת בחרב כי אמר הכהן לא תמיתוה בית יהוה׃

  15. 2 דִּבְרֵי הַיָּמִים כ״ג:ט״ו

    וישימו לה ידים ותבוא אל מבוא שער הסוסים בית המלך וימיתוה שם׃