עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. וַיִּקְרָא כ״ד:י״ג

    וידבר יהוה אל משה לאמר׃

  2. וַיִּקְרָא כ״ד:ט״ו

    ואל בני ישראל תדבר לאמר איש איש כי יקלל אלהיו ונשא חטאו׃

  3. וַיִּקְרָא כ״ד:ט״ז

    ונקב שם יהוה מות יומת רגום ירגמו בו כל העדה כגר כאזרח בנקבו שם יומת׃

  4. וַיִּקְרָא כ״ד:כ״ב

    משפט אחד יהיה לכם כגר כאזרח יהיה כי אני יהוה אלהיכם׃

  5. וַיִּקְרָא כ״ד:כ״ג

    וידבר משה אל בני ישראל ויוציאו את המקלל אל מחוץ למחנה וירגמו אתו אבן ובני ישראל עשו כאשר צוה יהוה את משה׃

  6. וַיִּקְרָא כ״ה:א׳

    ¶ וידבר יהוה אל משה בהר סיני לאמר׃

  7. וַיִּקְרָא כ״ה:ב׳

    דבר אל בני ישראל ואמרת אלהם כי תבאו אל הארץ אשר אני נתן לכם ושבתה הארץ שבת ליהוה׃

  8. וַיִּקְרָא כ״ה:ד׳

    ובשנה השביעת שבת שבתון יהיה לארץ שבת ליהוה שדך לא תזרע וכרמך לא תזמר׃

  9. וַיִּקְרָא כ״ה:י״ז

    ולא תונו איש את עמיתו ויראת מאלהיך כי אני יהוה אלהיכם׃

  10. וַיִּקְרָא כ״ה:י״ח

    ועשיתם את חקתי ואת משפטי תשמרו ועשיתם אתם וישבתם על הארץ לבטח׃

  11. וַיִּקְרָא כ״ה:כ״א

    וצויתי את ברכתי לכם בשנה הששית ועשת את התבואה לשלש השנים׃

  12. וַיִּקְרָא כ״ה:כ״ג

    והארץ לא תמכר לצמתת כי לי הארץ כי גרים ותושבים אתם עמדי׃

  13. וַיִּקְרָא כ״ה:ל״ו

    אל תקח מאתו נשך ותרבית ויראת מאלהיך וחי אחיך עמך׃

  14. וַיִּקְרָא כ״ה:ל״ח

    אני יהוה אלהיכם אשר הוצאתי אתכם מארץ מצרים לתת לכם את ארץ כנען להיות לכם לאלהים׃

  15. וַיִּקְרָא כ״ה:מ״ב

    כי עבדי הם אשר הוצאתי אתם מארץ מצרים לא ימכרו ממכרת עבד׃

  16. וַיִּקְרָא כ״ה:מ״ג

    לא תרדה בו בפרך ויראת מאלהיך׃

  17. וַיִּקְרָא כ״ה:נ״ה

    כי לי בני ישראל עבדים עבדי הם אשר הוצאתי אותם מארץ מצרים אני יהוה אלהיכם׃

  18. וַיִּקְרָא כ״ו:א׳

    ¶ לא תעשו לכם אלילם ופסל ומצבה לא תקימו לכם ואבן משכית לא תתנו בארצכם להשתחות עליה כי אני יהוה אלהיכם׃

  19. וַיִּקְרָא כ״ו:ב׳

    את שבתתי תשמרו ומקדשי תיראו אני יהוה׃

  20. וַיִּקְרָא כ״ו:ג׳

    אם בחקתי תלכו ואת מצותי תשמרו ועשיתם אתם׃

  21. וַיִּקְרָא כ״ו:ד׳

    ונתתי גשמיכם בעתם ונתנה הארץ יבולה ועץ השדה יתן פריו׃

  22. וַיִּקְרָא כ״ו:ו׳

    ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם׃

  23. וַיִּקְרָא כ״ו:ט׳

    ופניתי אליכם והפריתי אתכם והרביתי אתכם והקימתי את בריתי אתכם׃

  24. וַיִּקְרָא כ״ו:י״א

    ונתתי משכני בתוככם ולא תגעל נפשי אתכם׃

  25. וַיִּקְרָא כ״ו:י״ב

    והתהלכתי בתוככם והייתי לכם לאלהים ואתם תהיו לי לעם׃