עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. וַיִּקְרָא כ״ו:י״ג

    אני יהוה אלהיכם אשר הוצאתי אתכם מארץ מצרים מהית להם עבדים ואשבר מטת עלכם ואולך אתכם קוממיות׃

  2. וַיִּקְרָא כ״ו:י״ד

    ואם לא תשמעו לי ולא תעשו את כל המצות האלה׃

  3. וַיִּקְרָא כ״ו:ט״ו

    ואם בחקתי תמאסו ואם את משפטי תגעל נפשכם לבלתי עשות את כל מצותי להפרכם את בריתי׃

  4. וַיִּקְרָא כ״ו:ט״ז

    אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם׃

  5. וַיִּקְרָא כ״ו:י״ז

    ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם׃

  6. וַיִּקְרָא כ״ו:י״ח

    ואם עד אלה לא תשמעו לי ויספתי ליסרה אתכם שבע על חטאתיכם׃

  7. וַיִּקְרָא כ״ו:י״ט

    ושברתי את גאון עזכם ונתתי את שמיכם כברזל ואת ארצכם כנחשה׃

  8. וַיִּקְרָא כ״ו:כ״א

    ואם תלכו עמי קרי ולא תאבו לשמע לי ויספתי עליכם מכה שבע כחטאתיכם׃

  9. וַיִּקְרָא כ״ו:כ״ב

    והשלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכם׃

  10. וַיִּקְרָא כ״ו:כ״ג

    ואם באלה לא תוסרו לי והלכתם עמי קרי׃

  11. וַיִּקְרָא כ״ו:כ״ד

    והלכתי אף אני עמכם בקרי והכיתי אתכם גם אני שבע על חטאתיכם׃

  12. וַיִּקְרָא כ״ו:כ״ה

    והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב׃

  13. וַיִּקְרָא כ״ו:כ״ו

    בשברי לכם מטה לחם ואפו עשר נשים לחמכם בתנור אחד והשיבו לחמכם במשקל ואכלתם ולא תשבעו׃

  14. וַיִּקְרָא כ״ו:כ״ז

    ואם בזאת לא תשמעו לי והלכתם עמי בקרי׃

  15. וַיִּקְרָא כ״ו:כ״ח

    והלכתי עמכם בחמת קרי ויסרתי אתכם אף אני שבע על חטאתיכם׃

  16. וַיִּקְרָא כ״ו:ל׳

    והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכם׃

  17. וַיִּקְרָא כ״ו:ל״א

    ונתתי את עריכם חרבה והשמותי את מקדשיכם ולא אריח בריח ניחחכם׃

  18. וַיִּקְרָא כ״ו:ל״ב

    והשמתי אני את הארץ ושממו עליה איביכם הישבים בה׃

  19. וַיִּקְרָא כ״ו:ל״ג

    ואתכם אזרה בגוים והריקתי אחריכם חרב והיתה ארצכם שממה ועריכם יהיו חרבה׃

  20. וַיִּקְרָא כ״ו:ל״ו

    והנשארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃

  21. וַיִּקְרָא כ״ו:מ׳

    והתודו את עונם ואת עון אבתם במעלם אשר מעלו בי ואף אשר הלכו עמי בקרי׃

  22. וַיִּקְרָא כ״ו:מ״א

    אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃

  23. וַיִּקְרָא כ״ו:מ״ב

    וזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר׃

  24. וַיִּקְרָא כ״ו:מ״ג

    והארץ תעזב מהם ותרץ את שבתתיה בהשמה מהם והם ירצו את עונם יען וביען במשפטי מאסו ואת חקתי געלה נפשם׃

  25. וַיִּקְרָא כ״ו:מ״ד

    ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃