God

אשר כרת את אברהם ושבועתו לישחק׃

לאמר לך אתן את ארץ כנען חבל נחלתכם׃

לא הניח אדם לעשקם ויוכח עליהם מלכים׃

אל תגעו במשיחי ולנביאי אל תרעו׃

ויקרא רעב על הארץ כל מטה לחם שבר׃

עד עת בא דברו אמרת יהוה צרפתהו׃

ויפר את עמו מאד ויעצמהו מצריו׃

הפך לבם לשנא עמו להתנכל בעבדיו׃

שלח משה עבדו אהרן אשר בחר בו׃

שמו בם דברי אתותיו ומפתים בארץ חם׃

שלח חשך ויחשך ולא מרו את דבריו׃

שאל ויבא שלו ולחם שמים ישביעם׃

כי זכר את דבר קדשו את אברהם עבדו׃

ויוצא עמו בששון ברנה את בחיריו׃

בעבור ישמרו חקיו ותורתיו ינצרו הללו יה׃

¶ הללויה הודו ליהוה כי טוב כי לעולם חסדו׃

מי ימלל גבורות יהוה ישמיע כל תהלתו׃

זכרני יהוה ברצון עמך פקדני בישועתך׃

לראות בטובת בחיריך לשמח בשמחת גויך להתהלל עם נחלתך׃

אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃

ויושיעם למען שמו להודיע את גבורתו׃

ויגער בים סוף ויחרב ויוליכם בתהמות כמדבר׃

ויושיעם מיד שונא ויגאלם מיד אויב׃

ויאמינו בדבריו ישירו תהלתו׃

מהרו שכחו מעשיו לא חכו לעצתו׃