Ayoyin Littafi Mai Tsarki game da Slothfulness

Ku tafi wurin kyashi, ku ragwaye; ku lura da hanyoyinsa ku zama masu hikima!

Ba shi da jagora ba shugaba ko mai mulki,

duk da haka yakan yi tanade-tanadensa da rani ya kuma tattara abincinsa a lokacin girbi.

Har yaushe za ku kwanta a can, ku ragwaye? Yaushe za ku farka daga barcinku?

Ɗan barci, ɗan gyangyaɗi, ɗan naɗin hannuwa don a huta,

talauci kuwa zai zo kamar ’yan hari rashi kuma kamar ɗan fashi.

Ragwanci kan sa mutum yă zama matalauci, amma aiki tuƙuru kan ba da dukiya.

Shi da ya tattara hatsi da rani ɗa ne mai hikima, amma shi da yakan yi barci a lokacin girbi ɗa ne wanda ya zama abin kunya.

Kamar yadda ruwan tsami yake ga haƙora hayaƙi kuma ga idanu, haka malalaci yake ga wanda ya aike shi.

Hannuwan masu aiki tuƙuru za su yi mulki, amma ragwanci kan ƙarasa a aikin bauta.

Rago ba ya gashin abin da ya kama daga farauta, amma mai aiki tuƙuru yakan ɗauki mallakarsa da muhimmanci.

Rago ya ƙosa ya sami wani abu ainun amma ba ya samun kome, amma sha’awar mai aiki tuƙuru yakan ƙoshi sosai.

An tare hanyar rago da ƙayayyuwa, amma hanyar mai aikata gaskiya buɗaɗɗiyar hanya ce.

Wanda yake ragwanci a aikinsa ɗan’uwa ne ga wanda yakan lalatar da abubuwa.

Ragwanci kan jawo zurfin barci, mutum mai sanyin jiki kuma yana tare da yunwa.

Rago kan sa hannunsa a kwano ba ya ma iya ɗaga shi ya kai bakinsa!

Rago ba ya noma a lokacin noma; saboda haka a lokacin girbi ba ya bukata samun kome.

Marmarin rago zai zama mutuwarsa, domin hannuwansa sun ƙi su yi aiki.

Rago kan ce, “Akwai zaki a waje!” Ko kuma “Za a kashe ni a tituna!”

gama bugaggu da ruwan inabi da masu yawan ci sukan zama matalauta, gama jiri yakan yi musu sutura da tsummoki.

Na wuce cikin gonar rago, na wuce cikin gonar inabin mutumin da ba shi da azanci;

ƙayayyuwa sun yi girma ko’ina, ciyayi sun rufe ƙasar, katangar duwatsu duk ta rushe.

Na yi tunani a zuciyata na kuwa koyi darasi daga abin da na gani.

Ɗan barci, ɗan gyangyaɗi, ɗan naɗin hannuwa don a huta,

sai talauci ya shigo maka kamar ’yan fashi rashi kuma ya zo maka kamar mai hari.