Zaburi130

Kilio Kutoka Vilindini

1

Wimbo wa kwenda juu. Kutoka vilindini ninakulilia, Ee Bwana.

2

Ee Bwana, sikia sauti yangu. Masikio yako na yawe masikivu kwa kilio changu unihurumie.

Msamaha Ndio Msingi wa Tumaini

3

Kama wewe, Ee Bwana, ungeweka kumbukumbu ya dhambi, Ee Bwana, ni nani angeliweza kusimama?

4

Lakini kwako kuna msamaha, kwa hiyo wewe unaogopwa.

Kumngojea Mungu kwa Saburi

5

Namngojea Bwana, nafsi yangu inangojea, katika neno lake naweka tumaini langu.

6

Nafsi yangu inamngojea Bwana kuliko walinzi waingojeavyo asubuhi, naam, kuliko walinzi waingojeavyo asubuhi.

Tumaini na Ukombozi kwa Israeli

7

Ee Israeli, mtumaini Bwana, maana kwa Bwana kuna upendo usiokoma, na kwake kuna ukombozi kamili.

8

Yeye mwenyewe ataikomboa Israeli kutoka dhambi zao zote.

Use ← → arrow keys to navigate

Reading Style

Typeface

Font Size 19px

Options