תְהִלִּיםק״ל

זעקה ממעמקים

א׳
שיר המעלות ממעמקים קראתיך יהוה׃
ב׳
אדני שמעה בקולי תהיינה אזניך קשבות לקול תחנוני׃

הסליחה יסוד התקווה

ג׳
אם עונות תשמר יה אדני מי יעמד׃
ד׳
כי עמך הסליחה למען תורא׃

המתנה בסבלנות לדבר האל

ה׳
קויתי יהוה קותה נפשי ולדברו הוחלתי׃
ו׳
נפשי לאדני משמרים לבקר שמרים לבקר׃

תקווה וגאולה לישראל

ז׳
יחל ישראל אל יהוה כי עם יהוה החסד והרבה עמו פדות׃
ח׳
והוא יפדה את ישראל מכל עונתיו׃
Use ← → arrow keys to navigate
Settings

Reading Style

Typeface

Font Size 19px

Options