עברית

מִשְׁלֵיי״ג

ערכה של הוראת חכמה

א׳
בן חכם מוסר אב ולץ לא שמע גערה׃
ב׳
מפרי פי איש יאכל טוב ונפש בגדים חמס׃
ג׳
נצר פיו שמר נפשו פשק שפתיו מחתה לו׃

חריצות, יושר וגורל

ד׳
מתאוה ואין נפשו עצל ונפש חרצים תדשן׃
ה׳
דבר שקר ישנא צדיק ורשע יבאיש ויחפיר׃
ו׳
צדקה תצר תם דרך ורשעה תסלף חטאת׃
ז׳
יש מתעשר ואין כל מתרושש והון רב׃
ח׳
כפר נפש איש עשרו ורש לא שמע גערה׃
ט׳
אור צדיקים ישמח ונר רשעים ידעך׃

גאווה, חכמה והתורה

י׳
רק בזדון יתן מצה ואת נועצים חכמה׃
י״א
הון מהבל ימעט וקבץ על יד ירבה׃
י״ב
תוחלת ממשכה מחלה לב ועץ חיים תאוה באה׃
י״ג
בז לדבר יחבל לו וירא מצוה הוא ישלם׃
י״ד
תורת חכם מקור חיים לסור ממקשי מות׃

שכל טוב מביא חן

ט״ו
שכל טוב יתן חן ודרך בגדים איתן׃
ט״ז
כל ערום יעשה בדעת וכסיל יפרש אולת׃
י״ז
מלאך רשע יפל ברע וציר אמונים מרפא׃
י״ח
ריש וקלון פורע מוסר ושומר תוכחת יכבד׃

כוח החברה והמורשת

י״ט
תאוה נהיה תערב לנפש ותועבת כסילים סור מרע׃
כ׳
הלוך את חכמים וחכם ורעה כסילים ירוע׃
כ״א
חטאים תרדף רעה ואת צדיקים ישלם טוב׃
כ״ב
טוב ינחיל בני בנים וצפון לצדיק חיל חוטא׃
כ״ג
רב אכל ניר ראשים ויש נספה בלא משפט׃
כ״ד
חושך שבטו שונא בנו ואהבו שחרו מוסר׃
כ״ה
צדיק אכל לשבע נפשו ובטן רשעים תחסר׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options