סנט מארקד׳

ישוע מלמד את משל הזורע

א׳
וישב אל הים ויחל ללמד ויקהלו אליו המון עם רב עד אשר ירד לשבת באניה בים וכל העם עומד על חוף הים ביבשה׃
ב׳
וילמדם הרבה במשלים ויאמר אליהם בלמדו אתם׃
ג׳
שמעו שמוע הנה הזרע יצא לזרע׃
ד׳
ויהי בזרעו ויפל מן הזרע על יד הדרך ויבא עוף השמים ויאכלהו׃
ה׳
ויש אשר נפל על מקום הסלע אשר אין לו שם אדמה הרבה וימהר לצמח כי לא היה לו עמק אדמה׃
ו׳
ויהי כזרח השמש ויצרב וייבש כי אין לו שרש׃
ז׳
ויש אשר נפל בין הקצים ויעלו הקצים וימעכהו ולא נתן פרי׃
ח׳
ויש אשר נפל על האדמה הטובה ויתן פרי עלה וגדל ויעש זה שלשים שערים וזה ששים וזה מאה׃
ט׳
ויאמר אליהם מי אשר אזנים לו לשמע ישמע׃

מטרת המשלים

י׳
ויהי בהיותו לבדו וישאלוהו האנשים אשר סביביו עם שנים העשר על המשל׃
י״א
ויאמר אליהם לכם נתן לדעת סוד מלכות האלהים ואשר בחוץ להם הכל במשלים׃
י״ב
למען יראו ראו ולא ידעו ושמעו שמוע ולא יבינו פן ישובו ונסלח לחטאתם׃

ביאור משל הזורע

י״ג
ויאמר להם הן לא ידעתם את המשל הזה ואיך תבינו את המשלים כלם׃
י״ד
הזרע הוא זרע את הדבר׃
ט״ו
ואלה הם הנזרעים על יד הדרך אשר יזרע בם הדבר וכשמעם אותו מיד בא השטן וישא את הדבר הזרוע בלבבם׃
ט״ז
וכן הנזרעים על מקמות הסלע הם השמעים את הדבר ומהר בשמחה יקחהו׃
י״ז
אך אין להם שרש בקרבם ורק לשעה יעמדו ואחר כן בהיות צרה ורדיפה על אדות הדבר מהרה יכשלו׃
י״ח
והאחרים הנזרעים בין הקצים הם השמעים את הדבר׃
י״ט
ודאגות העולם הזה ומרמת העשר ותאות שאר הדברים באות וממעכות את הדבר ופרי לא יהיה לו׃
כ׳
ואלה המזרעים על האדמה הטובה הם השמעים את הדבר ומקבלים אתו ועשים פרי לשלשים שערים ולששים ולמאה׃

אמרות על שמיעה ועל התגלות

כ״א
ויאמר אליהם הכי יביאו הנר למען יושם תחת האיפה ותחת המטה ולא למען יעלהו על המנורה׃
כ״ב
כי אין דבר סתום אשר לא יגלה ולא נעלם דבר כי אם למען יבא לגלוי׃
כ״ג
כל אשר אזנים לו לשמע ישמע׃
כ״ד
ויאמר אליהם ראו מה אתם שמעים במדה אשר אתם מודדים בה ימד לכם ועוד יוסף לכם השמעים׃
כ״ה
כי מי שיש לו נתון ינתן לו ומי שאין לו גם את אשר יש לו יקח ממנו׃

משל הזרע הצומח

כ״ו
ויאמר מלכות האלהים היא כאשר ישליך איש זרע על האדמה׃
כ״ז
וישן וקם לילה ויום והזרע יצמח וגדל והוא לא ידע׃
כ״ח
כי הארץ מאליה מוציאה פריה את הדשא ראשונה ואחריו את השבלת ואחרי כן את החטה המלאה בשבלת׃
כ״ט
וכאשר גמל הפרי ימהר לשלח את המגל כי בשל הקציר׃

משל גרגר החרדל

ל׳
ויאמר אל מה נדמה את מלכות האלהים ובאי זה משל נמשילנה׃
ל״א
כגרגר של חרדל אשר יזרע באדמה והוא קטן מכל הזרעים אשר על הארץ׃
ל״ב
ואחרי הזרעו יעלה ויגדל על כל הירקות ועשה ענפים גדולים עד אשר יוכלו עוף השמים לקנן בצלו׃
ל״ג
ובמשלים רבים כאלה דבר אליהם את הדבר כפי אשר יכלו לשמע׃
ל״ד
ובבלי משל לא דבר אליהם והיה בהיותו עם תלמידיו לבדם יבאר להם את הכל׃

ישוע משקיט את הסערה

ל״ה
ויאמר אליהם ביום ההוא לפנות ערב נעברה העבר׃
ל״ו
ויעזבו את המון העם ויקחו אתו כאשר הוא באניה וגם אניות אחרות הלכו עמו׃
ל״ז
ותקם רוח סערה גדולה וישטפו הגלים אל תוך האניה עד אשר כמעט נמלאה׃
ל״ח
והוא ישן על הכסת באחרי האניה ויעירו אותו ויאמרו אליו רבי האינך דאג לנו כי נאבד׃
ל״ט
ויעור ויגער ברוח ויאמר אל הים הס ודם ותשך הרוח ותהי דממה גדולה׃
מ׳
ויאמר אליהם למה ככה אתם חרדים איך אין לכם אמונה׃
מ״א
וייראו יראה גדולה ויאמרו איש אל רעהו מי אפוא הוא אשר גם הרוח והים שמעים לו׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options