Yohana 14:15-21

Yesu aahidi Roho Mtakatifu

Yohana 14:15-21
15
“Kama mnanipenda, mtazishika amri zangu.
16
Nami nitamwomba Baba, naye atawapa Msaidizi mwingine akae nanyi milele.
17
Huyo ndiye Roho wa kweli ambaye ulimwengu hauwezi kumpokea, kwa sababu haumwoni wala haumjui. Ninyi mnamjua kwa kuwa yuko pamoja nanyi naye anakaa ndani yenu.
18
Sitawaacha ninyi yatima, naja kwenu.
19
Bado kitambo kidogo ulimwengu hautaniona tena, ila ninyi mtaniona, kwa kuwa mimi ni hai, ninyi nanyi mtakuwa hai.
20
Wakati huo mtajua ya kuwa mimi niko ndani ya Baba na ninyi mko ndani yangu na mimi niko ndani yenu.
21
Yeyote mwenye amri zangu na kuzishika ndiye anipendaye, naye anipendaye atapendwa na Baba yangu, nami nitampenda na kujidhihirisha kwake.”
Soma Sura Nzima 14
Settings

Reading Style

Typeface

Font Size 19px

Reading Width 45 chars

Options