הגדרת רצח והריגה בשגגה

בְּמִדְבַּר ל״ה:ט״ז-כ״ט

הגדרת רצח והריגה בשגגה

ט״ז

ואם בכלי ברזל הכהו וימת רצח הוא מות יומת הרצח׃

י״ז

ואם באבן יד אשר ימות בה הכהו וימת רצח הוא מות יומת הרצח׃

י״ח

או בכלי עץ יד אשר ימות בו הכהו וימת רצח הוא מות יומת הרצח׃

י״ט

גאל הדם הוא ימית את הרצח בפגעו בו הוא ימיתנו׃

כ׳

ואם בשנאה יהדפנו או השליך עליו בצדיה וימת׃

כ״א

או באיבה הכהו בידו וימת מות יומת המכה רצח הוא גאל הדם ימית את הרצח בפגעו בו׃

כ״ב

ואם בפתע בלא איבה הדפו או השליך עליו כל כלי בלא צדיה׃

כ״ג

או בכל אבן אשר ימות בה בלא ראות ויפל עליו וימת והוא לא אויב לו ולא מבקש רעתו׃

כ״ד

ושפטו העדה בין המכה ובין גאל הדם על המשפטים האלה׃

כ״ה

והצילו העדה את הרצח מיד גאל הדם והשיבו אתו העדה אל עיר מקלטו אשר נס שמה וישב בה עד מות הכהן הגדל אשר משח אתו בשמן הקדש׃

כ״ו

ואם יצא יצא הרצח את גבול עיר מקלטו אשר ינוס שמה׃

כ״ז

ומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם׃

כ״ח

כי בעיר מקלטו ישב עד מות הכהן הגדל ואחרי מות הכהן הגדל ישוב הרצח אל ארץ אחזתו׃

כ״ט

והיו אלה לכם לחקת משפט לדרתיכם בכל מושבתיכם׃

קרא פרק מלא ל״ה

לימוד הקטע

פירוש על הקטע כולו, לא על פסוק בודד

היכן עוד הכתוב אומר זאת

שְׁמֹות כ״א:י״ד
וכי יזד איש על רעהו להרגו בערמה מעם מזבחי תקחנו למות׃
מפסוק ט״ז
דְּבָרִים י״ט:י״א
וכי יהיה איש שנא לרעהו וארב לו וקם עליו והכהו נפש ומת ונס אל אחת הערים האל׃
מפסוק ט״ז
וַיִּקְרָא כ״ד:י״ז
ואיש כי יכה כל נפש אדם מות יומת׃
מפסוק ט״ז
יְהוֹשֻעַ כ׳:ו׳
וישב בעיר ההיא עד עמדו לפני העדה למשפט עד מות הכהן הגדול אשר יהיה בימים ההם אז ישוב הרוצח ובא אל עירו ואל ביתו אל העיר אשר נס משם׃
מפסוק כ״ד
שְׁמֹות כ״ט:ז׳
ולקחת את שמן המשחה ויצקת על ראשו ומשחת אתו׃
מפסוק כ״ה
בְּמִדְבַּר כ״ז:י״א
ואם אין אחים לאביו ונתתם את נחלתו לשארו הקרב אליו ממשפחתו וירש אתה והיתה לבני ישראל לחקת משפט כאשר צוה יהוה את משה׃
מפסוק כ״ט
בְּמִדְבַּר ל״ה:י״ב
והיו לכם הערים למקלט מגאל ולא ימות הרצח עד עמדו לפני העדה למשפט׃
מפסוק י״ט
2 שְׁמוּאֵל ג׳:כ״ז
וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃
מפסוק כ׳
2 שְׁמוּאֵל כ׳:י׳
ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו וימת ויואב ואבישי אחיו רדף אחרי שבע בן בכרי׃
מפסוק כ׳
בְּרֵאשִׁית ד׳:ח׳
ויאמר קין אל הבל אחיו ויהי בהיותם בשדה ויקם קין אל הבל אחיו ויהרגהו׃
מפסוק כ׳
שְׁמֹות כ״א:י״ג
ואשר לא צדה והאלהים אנה לידו ושמתי לך מקום אשר ינוס שמה׃
מפסוק כ״ב
בְּמִדְבַּר ל״ה:י״א
והקריתם לכם ערים ערי מקלט תהיינה לכם ונס שמה רצח מכה נפש בשגגה׃
מפסוק כ״ב

הגדרת רצח והריגה בשגגה

הגדרת רצח והריגה בשגגה

לימוד הקטע

שְׁמֹות כ״א:י״ד

דְּבָרִים י״ט:י״א

וַיִּקְרָא כ״ד:י״ז

יְהוֹשֻעַ כ׳:ו׳

שְׁמֹות כ״ט:ז׳

בְּמִדְבַּר כ״ז:י״א

בְּמִדְבַּר ל״ה:י״ב

2 שְׁמוּאֵל ג׳:כ״ז

2 שְׁמוּאֵל כ׳:י׳

בְּרֵאשִׁית ד׳:ח׳

שְׁמֹות כ״א:י״ג

בְּמִדְבַּר ל״ה:י״א

Reading Style

Typeface

Font Size 19px

Options