TRV
הבְּשׂוֹרָה הַקְּדוֹשָׁה עַל־פִּי לוּקָס כ״ב:מ׳-נ״ג
מ׳
ויבא אל המקום ויאמר אליהם התפללו לבלתי בוא לידי נסיון׃
מ״א
והוא נפרד מהם הרחק כקלע אבן ויכרע על ברכיו ויתפלל לאמר׃
מ״ב
אבי אם רצונך להעביר מעלי את הכוס הזאת אך אל יהי כרצוני כי אם כרצונך׃
מ״ג
וירא אליו מלאך מן השמים ויחזקהו׃
מ״ד
ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃
מ״ה
ויקם מהתפלל ויבא אל התלמידים וימצאם ישנים מיגון׃
מ״ו
]74-64[ ויאמר אליהם למה תישנו קומו והתפללו אשר לא תבאו לידי נסיונ, עודנו מדבר והנה המון ואחד משנים העשר הנקרא יהודה הלך לפניהם ויקרב אל ישוע לנשק לו׃
מ״ז
]74-64[׃
מ״ח
ויאמר ישוע אליו יהודה הבנשיקה אתה מוסר את בן האדם׃
מ״ט
והאנשים אשר אתו ראים את אשר יהיה ויאמרו אליו אדנינו הנכה בחרב׃
נ׳
ויך אחד מהם את עבד הכהן הגדול ויקצץ את אזנו הימנית׃
נ״א
ויען ישוע ויאמר רב עתה הרפו ויגע באזנו וירפאהו׃
נ״ב
ויאמר ישוע אל ראשי הכהנים ושרי המקדש והזקנים אשר באו עליו לאמר כמו על פריץ יצאתם עלי בחרבות ובמקלות׃
נ״ג
ואהי אצלכם יום יום בהיכל ולא שלחתם בי יד ואולם זאת היא שעתכם ושלטן החשך׃
Settings