TRV
הבְּשׂוֹרָה הַקְּדוֹשָׁה עַל־פִּי לוּקָס כ״ב:כ״א-ל״ד
כ״א
אך הנה יד המסר אותי אתי על השלחן׃
כ״ב
כי הן בן האדם הלך לו כפי אשר נחרץ עליו אבל אוי לאיש ההוא אשר על ידו ימסר׃
כ״ג
והם החלו לחקר איש את רעהו מי הוא זה מהם אשר יעשה זאת׃
כ״ד
וגם מריבה היתה ביניהם מי יחשב להיות הגדול בהם׃
כ״ה
ויאמר אליהם מלכי הגוים רדים בהם ושליטיהם יקראו עשי חסד׃
כ״ו
ואתם לא כן כי הגדול בכם יהיה כצעיר והמשל יהיה כמשרת׃
כ״ז
כי מי הוא הגדול אם המסב או המשרת הלא המסב ואני הנני בתוככם כמו המשרת׃
כ״ח
ואתם הם העמדים עמדי עד עתה בנסיונתי׃
כ״ט
לכן אני מנחיל אתכם כאשר הנחילני אבי את המלכות׃
ל׳
למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃
ל״א
ויאמר האדון שמעון שמעון הנה תבע אתכם השטן לזרותכם כחטים׃
ל״ב
ואני התפללתי בעדך אשר לא תכלה אמונתך ואתה כאשר תשוב חזק את אחיך׃
ל״ג
והוא אמר אליו אדני הנני נכון ללכת אתך גם לבית האסורים גם למות׃
ל״ד
ויאמר אני אמר לך פטרוס לא יקרא תרנגל היום עד כי שלש פעמים כחשת בי לאמר לא ידעתיו׃
Settings