משפט הגויים: שיקום לישראל

יוֹאֵל ג׳:א׳-ח׳

א׳

¶ כי הנה בימים ההמה ובעת ההיא אשר אשוב את שבות יהודה וירושלם׃

ב׳

וקבצתי את כל הגוים והורדתים אל עמק יהושפט ונשפטתי עמם שם על עמי ונחלתי ישראל אשר פזרו בגוים ואת ארצי חלקו׃

ג׳

ואל עמי ידו גורל ויתנו הילד בזונה והילדה מכרו ביין וישתו׃

ד׳

וגם מה אתם לי צר וצידון וכל גלילות פלשת הגמול אתם משלמים עלי ואם גמלים אתם עלי קל מהרה אשיב גמלכם בראשכם׃

ה׳

אשר כספי וזהבי לקחתם ומחמדי הטבים הבאתם להיכליכם׃

ו׳

ובני יהודה ובני ירושלם מכרתם לבני היונים למען הרחיקם מעל גבולם׃

ז׳

הנני מעירם מן המקום אשר מכרתם אתם שמה והשבתי גמלכם בראשכם׃

ח׳

ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר׃