TRV
יוֹאֵל ג׳:ט׳-ט״ז
ט׳
קראו זאת בגוים קדשו מלחמה העירו הגבורים יגשו יעלו כל אנשי המלחמה׃
י׳
כתו אתיכם לחרבות ומזמרתיכם לרמחים החלש יאמר גבור אני׃
י״א
עושו ובאו כל הגוים מסביב ונקבצו שמה הנחת יהוה גבוריך׃
י״ב
יעורו ויעלו הגוים אל עמק יהושפט כי שם אשב לשפט את כל הגוים מסביב׃
י״ג
שלחו מגל כי בשל קציר באו רדו כי מלאה גת השיקו היקבים כי רבה רעתם׃
י״ד
המונים המונים בעמק החרוץ כי קרוב יום יהוה בעמק החרוץ׃
ט״ו
שמש וירח קדרו וכוכבים אספו נגהם׃
ט״ז
ויהוה מציון ישאג ומירושלם יתן קולו ורעשו שמים וארץ ויהוה מחסה לעמו ומעוז לבני ישראל׃
Settings