2 דִּבְרֵי הַיָּמִים י״ח:ד׳-י״א

הִוָּעֲצוּת בַּנְּבִיאִים הַשֶּׁקֶר

2 דִּבְרֵי הַיָּמִים י״ח:ד׳-י״א
ד׳
ויאמר יהושפט אל מלך ישראל דרש נא כיום את דבר יהוה׃
ה׳
ויקבץ מלך ישראל את הנבאים ארבע מאות איש ויאמר אלהם הנלך אל רמת גלעד למלחמה אם אחדל ויאמרו עלה ויתן האלהים ביד המלך׃
ו׳
ויאמר יהושפט האין פה נביא ליהוה עוד ונדרשה מאתו׃
ז׳
ויאמר מלך ישראל אל יהושפט עוד איש אחד לדרוש את יהוה מאתו ואני שנאתיהו כי איננו מתנבא עלי לטובה כי כל ימיו לרעה הוא מיכיהו בן ימלא ויאמר יהושפט אל יאמר המלך כן׃
ח׳
ויקרא מלך ישראל אל סריס אחד ויאמר מהר מיכהו בן ימלא׃
ט׳
ומלך ישראל ויהושפט מלך יהודה יושבים איש על כסאו מלבשים בגדים וישבים בגרן פתח שער שמרון וכל הנביאים מתנבאים לפניהם׃
י׳
ויעש לו צדקיהו בן כנענה קרני ברזל ויאמר כה אמר יהוה באלה תנגח את ארם עד כלותם׃
י״א
וכל הנבאים נבאים כן לאמר עלה רמת גלעד והצלח ונתן יהוה ביד המלך׃
קרא פרק מלא י״ח
Settings

Reading Style

Typeface

Font Size 19px

Reading Width 45 chars

Options