פסוקים על Wisdom

71 פסוקים · 14 היבטים

פסוקי מפתח

סינון לפי ספר
  1. שְׁמֹות ל״ה:ל״ה

    מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת׃

  2. שְׁמֹות ל״ו:א׳

    ¶ ועשה בצלאל ואהליאב וכל איש חכם לב אשר נתן יהוה חכמה ותבונה בהמה לדעת לעשת את כל מלאכת עבדת הקדש לכל אשר צוה יהוה׃

  3. שְׁמֹות ל״ו:ב׳

    ויקרא משה אל בצלאל ואל אהליאב ואל כל איש חכם לב אשר נתן יהוה חכמה בלבו כל אשר נשאו לבו לקרבה אל המלאכה לעשת אתה׃

  4. 1 מְלָכִים ג׳:י״ב

    הנה עשיתי כדבריך הנה נתתי לך לב חכם ונבון אשר כמוך לא היה לפניך ואחריך לא יקום כמוך׃

  5. 1 מְלָכִים ג׳:ט״ז

    אז תבאנה שתים נשים זנות אל המלך ותעמדנה לפניו׃

  6. 1 מְלָכִים ג׳:י״ז

    ותאמר האשה האחת בי אדני אני והאשה הזאת ישבת בבית אחד ואלד עמה בבית׃

  7. 1 מְלָכִים ג׳:י״ח

    ויהי ביום השלישי ללדתי ותלד גם האשה הזאת ואנחנו יחדו אין זר אתנו בבית זולתי שתים אנחנו בבית׃

  8. 1 מְלָכִים ג׳:י״ט

    וימת בן האשה הזאת לילה אשר שכבה עליו׃

  9. 1 מְלָכִים ג׳:כ׳

    ותקם בתוך הלילה ותקח את בני מאצלי ואמתך ישנה ותשכיבהו בחיקה ואת בנה המת השכיבה בחיקי׃

  10. 1 מְלָכִים ג׳:כ״א

    ואקם בבקר להיניק את בני והנה מת ואתבונן אליו בבקר והנה לא היה בני אשר ילדתי׃

  11. 1 מְלָכִים ג׳:כ״ב

    ותאמר האשה האחרת לא כי בני החי ובנך המת וזאת אמרת לא כי בנך המת ובני החי ותדברנה לפני המלך׃

  12. 1 מְלָכִים ג׳:כ״ג

    ויאמר המלך זאת אמרת זה בני החי ובנך המת וזאת אמרת לא כי בנך המת ובני החי׃

  13. 1 מְלָכִים ג׳:כ״ד

    ויאמר המלך קחו לי חרב ויבאו החרב לפני המלך׃

  14. 1 מְלָכִים ג׳:כ״ה

    ויאמר המלך גזרו את הילד החי לשנים ותנו את החצי לאחת ואת החצי לאחת׃

  15. 1 מְלָכִים ג׳:כ״ו

    ותאמר האשה אשר בנה החי אל המלך כי נכמרו רחמיה על בנה ותאמר בי אדני תנו לה את הילוד החי והמת אל תמיתהו וזאת אמרת גם לי גם לך לא יהיה גזרו׃

  16. 1 מְלָכִים ג׳:כ״ז

    ויען המלך ויאמר תנו לה את הילוד החי והמת לא תמיתהו היא אמו׃

  17. 1 מְלָכִים ג׳:כ״ח

    וישמעו כל ישראל את המשפט אשר שפט המלך ויראו מפני המלך כי ראו כי חכמת אלהים בקרבו לעשות משפט׃

  18. 1 מְלָכִים ד׳:כ״ט

    ויתן אלהים חכמה לשלמה ותבונה הרבה מאד ורחב לב כחול אשר על שפת הים׃

  19. 1 מְלָכִים ד׳:ל׳

    ותרב חכמת שלמה מחכמת כל בני קדם ומכל חכמת מצרים׃

  20. 1 מְלָכִים ד׳:ל״א

    ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב׃

  21. 1 מְלָכִים ד׳:ל״ב

    וידבר שלשת אלפים משל ויהי שירו חמשה ואלף׃

  22. 1 מְלָכִים ד׳:ל״ג

    וידבר על העצים מן הארז אשר בלבנון ועד האזוב אשר יצא בקיר וידבר על הבהמה ועל העוף ועל הרמש ועל הדגים׃

  23. 1 מְלָכִים ד׳:ל״ד

    ויבאו מכל העמים לשמע את חכמת שלמה מאת כל מלכי הארץ אשר שמעו את חכמתו׃

  24. 1 מְלָכִים ה׳:י״ב

    ויהוה נתן חכמה לשלמה כאשר דבר לו ויהי שלם בין חירם ובין שלמה ויכרתו ברית שניהם׃

  25. 1 מְלָכִים ז׳:י״ד

    בן אשה אלמנה הוא ממטה נפתלי ואביו איש צרי חרש נחשת וימלא את החכמה ואת התבונה ואת הדעת לעשות כל מלאכה בנחשת ויבוא אל המלך שלמה ויעש את כל מלאכתו׃