פסוקים על Visions

137 פסוקים · 32 היבטים

פסוקי מפתח

סינון לפי ספר
  1. יְחֶזְקֵאל א׳:ט׳

    חברת אשה אל אחותה כנפיהם לא יסבו בלכתן איש אל עבר פניו ילכו׃

  2. יְחֶזְקֵאל א׳:י׳

    ודמות פניהם פני אדם ופני אריה אל הימין לארבעתם ופני שור מהשמאול לארבעתן ופני נשר לארבעתן׃

  3. יְחֶזְקֵאל א׳:י״א

    ופניהם וכנפיהם פרדות מלמעלה לאיש שתים חברות איש ושתים מכסות את גויתיהנה׃

  4. יְחֶזְקֵאל א׳:י״ב

    ואיש אל עבר פניו ילכו אל אשר יהיה שמה הרוח ללכת ילכו לא יסבו בלכתן׃

  5. יְחֶזְקֵאל א׳:י״ג

    ודמות החיות מראיהם כגחלי אש בערות כמראה הלפדים היא מתהלכת בין החיות ונגה לאש ומן האש יוצא ברק׃

  6. יְחֶזְקֵאל א׳:י״ד

    והחיות רצוא ושוב כמראה הבזק׃

  7. יְחֶזְקֵאל ח׳:ב׳

    ואראה והנה דמות כמראה אש ממראה מתניו ולמטה אש וממתניו ולמעלה כמראה זהר כעין החשמלה׃

  8. יְחֶזְקֵאל ח׳:ג׳

    וישלח תבנית יד ויקחני בציצת ראשי ותשא אתי רוח בין הארץ ובין השמים ותבא אתי ירושלמה במראות אלהים אל פתח שער הפנימית הפונה צפונה אשר שם מושב סמל הקנאה המקנה׃

  9. יְחֶזְקֵאל ח׳:ד׳

    והנה שם כבוד אלהי ישראל כמראה אשר ראיתי בבקעה׃

  10. יְחֶזְקֵאל ח׳:ה׳

    ויאמר אלי בן אדם שא נא עיניך דרך צפונה ואשא עיני דרך צפונה והנה מצפון לשער המזבח סמל הקנאה הזה בבאה׃

  11. יְחֶזְקֵאל ח׳:ו׳

    ויאמר אלי בן אדם הראה אתה מהם עשים תועבות גדלות אשר בית ישראל עשים פה לרחקה מעל מקדשי ועוד תשוב תראה תועבות גדלות׃

  12. יְחֶזְקֵאל ח׳:ז׳

    ויבא אתי אל פתח החצר ואראה והנה חר אחד בקיר׃

  13. יְחֶזְקֵאל ח׳:ח׳

    ויאמר אלי בן אדם חתר נא בקיר ואחתר בקיר והנה פתח אחד׃

  14. יְחֶזְקֵאל ח׳:ט׳

    ויאמר אלי בא וראה את התועבות הרעות אשר הם עשים פה׃

  15. יְחֶזְקֵאל ח׳:י׳

    ואבוא ואראה והנה כל תבנית רמש ובהמה שקץ וכל גלולי בית ישראל מחקה על הקיר סביב סביב׃

  16. יְחֶזְקֵאל ח׳:י״א

    ושבעים איש מזקני בית ישראל ויאזניהו בן שפן עמד בתוכם עמדים לפניהם ואיש מקטרתו בידו ועתר ענן הקטרת עלה׃

  17. יְחֶזְקֵאל ח׳:י״ב

    ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו עזב יהוה את הארץ׃

  18. יְחֶזְקֵאל ח׳:י״ג

    ויאמר אלי עוד תשוב תראה תועבות גדלות אשר המה עשים׃

  19. יְחֶזְקֵאל ח׳:י״ד

    ויבא אתי אל פתח שער בית יהוה אשר אל הצפונה והנה שם הנשים ישבות מבכות את התמוז׃

  20. יְחֶזְקֵאל י״א:כ״ד

    ורוח נשאתני ותבאני כשדימה אל הגולה במראה ברוח אלהים ויעל מעלי המראה אשר ראיתי׃

  21. יְחֶזְקֵאל י״א:כ״ה

    ואדבר אל הגולה את כל דברי יהוה אשר הראני׃

  22. יְחֶזְקֵאל ל״ז:א׳

    ¶ היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃

  23. יְחֶזְקֵאל ל״ז:ב׳

    והעבירני עליהם סביב סביב והנה רבות מאד על פני הבקעה והנה יבשות מאד׃

  24. יְחֶזְקֵאל ל״ז:ג׳

    ויאמר אלי בן אדם התחיינה העצמות האלה ואמר אדני יהוה אתה ידעת׃

  25. יְחֶזְקֵאל ל״ז:ד׳

    ויאמר אלי הנבא על העצמות האלה ואמרת אליהם העצמות היבשות שמעו דבר יהוה׃