פסוקים על Visions: To Peter

9 פסוקים · 32 היבטים

פסוקים על To Peter

  1. מַעֲשֵׂי הַשְּׁלִיחִים י׳:ט׳

    ויהי ממחרת והמה הלכים בדרך וקרבים לעיר ויעל פטרוס על הגג להתפלל כשעה הששית׃

  2. מַעֲשֵׂי הַשְּׁלִיחִים י׳:י׳

    והוא רעב ויתאו לטעם לחם ובהכינם לו נפלה תרדמה עליו׃

  3. מַעֲשֵׂי הַשְּׁלִיחִים י׳:י״א

    וירא את השמים נפתחים והנה כלי ירד אליו כדמות מטפחת בד גדולה ויורד בארבע כנפותיו על הארץ׃

  4. מַעֲשֵׂי הַשְּׁלִיחִים י׳:י״ב

    ובתוכו מכל בהמת הארץ וחיה ורמש ועוף השמים׃

  5. מַעֲשֵׂי הַשְּׁלִיחִים י׳:י״ג

    ויהי קול אליו לאמר קום פטרוס זבח ואכל׃

  6. מַעֲשֵׂי הַשְּׁלִיחִים י׳:י״ד

    ויאמר פטרוס חלילה לי אדני כי מעולם לא אכלתי כל פגול וטמא׃

  7. מַעֲשֵׂי הַשְּׁלִיחִים י׳:ט״ו

    ויהי עוד קול אליו פעם שנית לאמר את אשר טהר האלהים אתה אל תטמאנו׃

  8. מַעֲשֵׂי הַשְּׁלִיחִים י׳:ט״ז

    וכן היה שלש פעמים והכלי שב והעלה השמימה׃

  9. מַעֲשֵׂי הַשְּׁלִיחִים י׳:י״ז

    ויהי בהתפעם רוח פטרוס על המראה אשר ראה והנה האנשים השלוחים מאת קרניליוס שאלו לבית שמעון ויעמדו על הפתח׃