פסוקים על Visions: To Isaiah

8 פסוקים · 32 היבטים

פסוקים על To Isaiah

יְשַׁעְיָהוּ ו׳:א׳
¶ בשנת מות המלך עזיהו ואראה את אדני ישב על כסא רם ונשא ושוליו מלאים את ההיכל׃
יְשַׁעְיָהוּ ו׳:ב׳
שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו ובשתים יעופף׃
יְשַׁעְיָהוּ ו׳:ג׳
וקרא זה אל זה ואמר קדוש קדוש קדוש יהוה צבאות מלא כל הארץ כבודו׃
יְשַׁעְיָהוּ ו׳:ד׳
וינעו אמות הספים מקול הקורא והבית ימלא עשן׃
יְשַׁעְיָהוּ ו׳:ה׳
ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃
יְשַׁעְיָהוּ ו׳:ו׳
ויעף אלי אחד מן השרפים ובידו רצפה במלקחים לקח מעל המזבח׃
יְשַׁעְיָהוּ ו׳:ז׳
ויגע על פי ויאמר הנה נגע זה על שפתיך וסר עונך וחטאתך תכפר׃
יְשַׁעְיָהוּ ו׳:ח׳
ואשמע את קול אדני אמר את מי אשלח ומי ילך לנו ואמר הנני שלחני׃