פסוקים על Vineyards

ויחל נח איש האדמה ויטע כרם׃

כי יבער איש שדה או כרם ושלח את בעירה ובער בשדה אחר מיטב שדהו ומיטב כרמו ישלם׃

והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃

וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃

וכי תבאו אל הארץ ונטעתם כל עץ מאכל וערלתם ערלתו את פריו שלש שנים יהיה לכם ערלים לא יאכל׃

ובשנה הרביעת יהיה כל פריו קדש הלולים ליהוה׃

ובשנה החמישת תאכלו את פריו להוסיף לכם תבואתו אני יהוה אלהיכם׃

ובשנה השביעת שבת שבתון יהיה לארץ שבת ליהוה שדך לא תזרע וכרמך לא תזמר׃

את ספיח קצירך לא תקצור ואת ענבי נזירך לא תבצר שנת שבתון יהיה לארץ׃

יובל הוא שנת החמשים שנה תהיה לכם לא תזרעו ולא תקצרו את ספיחיה ולא תבצרו את נזריה׃

והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם׃

ויעמד מלאך יהוה במשעול הכרמים גדר מזה וגדר מזה׃

ומי האיש אשר נטע כרם ולא חללו ילך וישב לביתו פן ימות במלחמה ואיש אחר יחללנו׃

לא תזרע כרמך כלאים פן תקדש המלאה הזרע אשר תזרע ותבואת הכרם׃

כי תבא בכרם רעך ואכלת ענבים כנפשך שבעך ואל כליך לא תתן׃

כי תבצר כרמך לא תעולל אחריך לגר ליתום ולאלמנה יהיה׃

כרמים תטע ועבדת ויין לא תשתה ולא תאגר כי תאכלנו התלעת׃

ומדלת הארץ השאיר רב טבחים לכרמים וליגבים׃

ועל הכרמים שמעי הרמתי ועל שבכרמים לאצרות היין זבדי השפמי׃

ויש אשר אמרים שדתינו וכרמינו ובתינו אנחנו ערבים ונקחה דגן ברעב׃

ויש אשר אמרים לוינו כסף למדת המלך שדתינו וכרמינו׃

ויזרעו שדות ויטעו כרמים ויעשו פרי תבואה׃

על שדה איש עצל עברתי ועל כרם אדם חסר לב׃

והנה עלה כלו קמשנים כסו פניו חרלים וגדר אבניו נהרסה׃

אל תראוני שאני שחרחרת ששזפתני השמש בני אמי נחרו בי שמני נטרה את הכרמים כרמי שלי לא נטרתי׃