פסוקים על Tradition: Not authoritative

ויען ויאמר אליהם מדוע גם אתם עברים את מצות אלהים בעבור קבלתכם׃

כי אלהים צוה לאמר כבד את אביך ואת אמך ומקלל אביו ואמו מות יומת׃

ואתם אמרים האמר לאביו ולאמו קרבן כל מה שאתה נהנה לי אין עליו לכבד את אביו ואת אמו׃

ותפרו את דבר האלהים בעבור קבלתכם׃

חנפים היטב נבא עליכם ישעיהו לאמר׃

העם הזה נגש בפיו ובשפתיו כבדוני ולבו רחק ממני׃

ותהו יראתם אתי מצות אנשים מלמדים׃

ויקרא אל העם ויאמר להם שמעו והבינו׃

לא הבא אל הפה יטמא את האדם כי אם היוצא מן הפה הוא מטמא את האדם׃

ויגשו אליו תלמידיו ויאמרו הידעת כי הפרושים בשמעם את הדבר הזה נכשלו בו׃

ויען ויאמר כל מטע אשר לא נטע אבי שבשמים עקור יעקר׃

הניחו אותם מנהלים עורים המה לעורים וכי יוליך עור את העור ונפלו שניהם בתוך הבור׃

ויען פטרוס ויאמר אליו באר לנו את המשל הזה׃

ויאמר ישוע עדנה גם אתם באין בינה׃

העוד לא תשכילו כי כל הבא אל הפה יורד אל הכרש וישפך משם למוצאות׃

אבל היוצא מן הפה יוצא מן הלב והוא מטמא את האדם׃

כי מן הלב יוצאות מחשבות רע רציחות נאופים זנונים גנבות עדיות שקר וגדופים׃

אלה הם המטמאים את האדם אבל אכול בלי נטילת ידים לא יטמא את האדם׃

ולא ישימו לבם להגדות וללמודי תולדות אין קץ המביאים יותר לשאלות מלבנות בית אלהים באמונה׃

אך התרחק מהגדות פסולות ובלות והרגל עצמך בחסידות׃