פסוקים על The Feast of Jubilee

15 פסוקים · 16 היבטים

פסוקי מפתח

  1. וַיִּקְרָא כ״ה:כ״ג

    והארץ לא תמכר לצמתת כי לי הארץ כי גרים ותושבים אתם עמדי׃

  2. וַיִּקְרָא כ״ה:כ״ד

    ובכל ארץ אחזתכם גאלה תתנו לארץ׃

  3. וַיִּקְרָא כ״ה:כ״ה

    כי ימוך אחיך ומכר מאחזתו ובא גאלו הקרב אליו וגאל את ממכר אחיו׃

  4. וַיִּקְרָא כ״ה:כ״ו

    ואיש כי לא יהיה לו גאל והשיגה ידו ומצא כדי גאלתו׃

  5. וַיִּקְרָא כ״ה:כ״ז

    וחשב את שני ממכרו והשיב את העדף לאיש אשר מכר לו ושב לאחזתו׃

  6. וַיִּקְרָא כ״ז:י״ד

    ואיש כי יקדש את ביתו קדש ליהוה והעריכו הכהן בין טוב ובין רע כאשר יעריך אתו הכהן כן יקום׃

  7. וַיִּקְרָא כ״ז:ט״ו

    ואם המקדיש יגאל את ביתו ויסף חמישית כסף ערכך עליו והיה לו׃

  8. וַיִּקְרָא כ״ז:ט״ז

    ואם משדה אחזתו יקדיש איש ליהוה והיה ערכך לפי זרעו זרע חמר שערים בחמשים שקל כסף׃

  9. וַיִּקְרָא כ״ז:י״ז

    אם משנת היבל יקדיש שדהו כערכך יקום׃

  10. וַיִּקְרָא כ״ז:י״ח

    ואם אחר היבל יקדיש שדהו וחשב לו הכהן את הכסף על פי השנים הנותרת עד שנת היבל ונגרע מערכך׃

  11. וַיִּקְרָא כ״ז:י״ט

    ואם גאל יגאל את השדה המקדיש אתו ויסף חמשית כסף ערכך עליו וקם לו׃

  12. וַיִּקְרָא כ״ז:כ׳

    ואם לא יגאל את השדה ואם מכר את השדה לאיש אחר לא יגאל עוד׃

  13. וַיִּקְרָא כ״ז:כ״א

    והיה השדה בצאתו ביבל קדש ליהוה כשדה החרם לכהן תהיה אחזתו׃

  14. וַיִּקְרָא כ״ז:כ״ב

    ואם את שדה מקנתו אשר לא משדה אחזתו יקדיש ליהוה׃

  15. וַיִּקְרָא כ״ז:כ״ג

    וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוה׃