פסוקים על The Feast of Jubilee: Value of devoted property calculated from

ואיש כי יקדש את ביתו קדש ליהוה והעריכו הכהן בין טוב ובין רע כאשר יעריך אתו הכהן כן יקום׃

ואם המקדיש יגאל את ביתו ויסף חמישית כסף ערכך עליו והיה לו׃

ואם משדה אחזתו יקדיש איש ליהוה והיה ערכך לפי זרעו זרע חמר שערים בחמשים שקל כסף׃

אם משנת היבל יקדיש שדהו כערכך יקום׃

ואם אחר היבל יקדיש שדהו וחשב לו הכהן את הכסף על פי השנים הנותרת עד שנת היבל ונגרע מערכך׃

ואם גאל יגאל את השדה המקדיש אתו ויסף חמשית כסף ערכך עליו וקם לו׃

ואם לא יגאל את השדה ואם מכר את השדה לאיש אחר לא יגאל עוד׃

והיה השדה בצאתו ביבל קדש ליהוה כשדה החרם לכהן תהיה אחזתו׃

ואם את שדה מקנתו אשר לא משדה אחזתו יקדיש ליהוה׃

וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוה׃