פסוקים על The Anakim

12 פסוקים · 13 היבטים

פסוקי מפתח

  1. יְהוֹשֻעַ י״ד:ו׳

    ויגשו בני יהודה אל יהושע בגלגל ויאמר אליו כלב בן יפנה הקנזי אתה ידעת את הדבר אשר דבר יהוה אל משה איש האלהים על אדותי ועל אדותיך בקדש ברנע׃

  2. יְהוֹשֻעַ י״ד:ז׳

    בן ארבעים שנה אנכי בשלח משה עבד יהוה אתי מקדש ברנע לרגל את הארץ ואשב אתו דבר כאשר עם לבבי׃

  3. יְהוֹשֻעַ י״ד:ח׳

    ואחי אשר עלו עמי המסיו את לב העם ואנכי מלאתי אחרי יהוה אלהי׃

  4. יְהוֹשֻעַ י״ד:ט׳

    וישבע משה ביום ההוא לאמר אם לא הארץ אשר דרכה רגלך בה לך תהיה לנחלה ולבניך עד עולם כי מלאת אחרי יהוה אלהי׃

  5. יְהוֹשֻעַ י״ד:י׳

    ועתה הנה החיה יהוה אותי כאשר דבר זה ארבעים וחמש שנה מאז דבר יהוה את הדבר הזה אל משה אשר הלך ישראל במדבר ועתה הנה אנכי היום בן חמש ושמונים שנה׃

  6. יְהוֹשֻעַ י״ד:י״א

    עודני היום חזק כאשר ביום שלח אותי משה ככחי אז וככחי עתה למלחמה ולצאת ולבוא׃

  7. יְהוֹשֻעַ י״ד:י״ב

    ועתה תנה לי את ההר הזה אשר דבר יהוה ביום ההוא כי אתה שמעת ביום ההוא כי ענקים שם וערים גדלות בצרות אולי יהוה אותי והורשתים כאשר דבר יהוה׃

  8. יְהוֹשֻעַ י״ד:י״ג

    ויברכהו יהושע ויתן את חברון לכלב בן יפנה לנחלה׃

  9. יְהוֹשֻעַ י״ד:י״ד

    על כן היתה חברון לכלב בן יפנה הקנזי לנחלה עד היום הזה יען אשר מלא אחרי יהוה אלהי ישראל׃

  10. יְהוֹשֻעַ ט״ו:ט״ו

    ויעל משם אל ישבי דבר ושם דבר לפנים קרית ספר׃

  11. יְהוֹשֻעַ ט״ו:ט״ז

    ויאמר כלב אשר יכה את קרית ספר ולכדה ונתתי לו את עכסה בתי לאשה׃

  12. יְהוֹשֻעַ ט״ו:י״ז

    וילכדה עתניאל בן קנז אחי כלב ויתן לו את עכסה בתו לאשה׃