פסוקים על Stephen

21 פסוקים · 6 היבטים

פסוקי מפתח

  1. מַעֲשֵׂי הַשְּׁלִיחִים ו׳:ג׳

    לכן אחי ברו לכם שבעה אנשים מקרבכם אשר שם טוב להם ומלאים רוח הקדש וחכמה ונפקידם על הענין הזה׃

  2. מַעֲשֵׂי הַשְּׁלִיחִים ו׳:ה׳

    וייטב הדבר לפני כל ההמון ויבחרו את אסטפנוס איש מלא אמונה ורוח הקדש ואת פילפוס ואת פרוכורוס ואת ניקנור ואת טימון ואת פרמנס ואת ניקלס גר אנטיוכיא׃

  3. מַעֲשֵׂי הַשְּׁלִיחִים ו׳:ו׳

    את אלה העמידו לפני השליחים ויתפללו ויסמכו את ידיהם עליהם׃

  4. מַעֲשֵׂי הַשְּׁלִיחִים ו׳:ח׳

    ואסטפנוס מלא אמונה וגבורה ויעש אתות ומופתים גדולים בקרב העם׃

  5. מַעֲשֵׂי הַשְּׁלִיחִים ו׳:ט׳

    ויקומו אנשים מבית הכנסת הנקרא על שם הליברטינים ושל קורינים ואלכסנדריים ומן בני קיליקיא ואסיא ויתוכחו עם אסטפנוס׃

  6. מַעֲשֵׂי הַשְּׁלִיחִים ו׳:י׳

    ולא יכלו עמד לנגד החכמה והרוח אשר דבר בו׃

  7. מַעֲשֵׂי הַשְּׁלִיחִים ו׳:י״א

    ויסיתו בו אנשים אמרים שמענו אתו מדבר גדופים במשה ובאלהים׃

  8. מַעֲשֵׂי הַשְּׁלִיחִים ו׳:י״ב

    ויעוררו את העם ואת הזקנים והסופרים ויקומו עליו ויחטפהו ויביאהו לפני הסנהדרין׃

  9. מַעֲשֵׂי הַשְּׁלִיחִים ו׳:י״ג

    ויעמידו עדי שקר אשר אמרו האיש הזה איננו חדל מהטיח דברים נגד מקום הקדש הזה ונגד התורה׃

  10. מַעֲשֵׂי הַשְּׁלִיחִים ו׳:י״ד

    כי שמענהו אמר זה ישוע הנצרי יתץ את המקום הזה וישנה את החקים אשר מסר לנו משה׃

  11. מַעֲשֵׂי הַשְּׁלִיחִים ו׳:ט״ו

    ויסתכלו בו כל הישבים בסנהדרין ויראו את פניו כפני מלאך אלהים׃

  12. מַעֲשֵׂי הַשְּׁלִיחִים ז׳:נ״ד

    ויהי כשמעם את אלה התרגזו בלבבם ויחרקו עליו שניהם׃

  13. מַעֲשֵׂי הַשְּׁלִיחִים ז׳:נ״ה

    והוא מלא רוח הקדש ויבט השמימה וירא את כבוד אלהים ואת ישוע נצב לימין האלהים׃

  14. מַעֲשֵׂי הַשְּׁלִיחִים ז׳:נ״ו

    ויאמר הנני ראה את השמים נפתחים ואת בן האדם נצב לימין האלהים׃

  15. מַעֲשֵׂי הַשְּׁלִיחִים ז׳:נ״ז

    ויצעקו בקול גדול ויאטמו את אזניהם ויתנפלו עליו כלם יחד׃

  16. מַעֲשֵׂי הַשְּׁלִיחִים ז׳:נ״ח

    וידחפהו חוצה לעיר ויסקלו אתו באבנים והעדים פשטו את בגדיהם לרגלי בחור אחד ושמו שאול׃

  17. מַעֲשֵׂי הַשְּׁלִיחִים ז׳:נ״ט

    ויסקלו את אסטפנוס והוא משוע ואמר אדני ישוע קבל את רוחי׃

  18. מַעֲשֵׂי הַשְּׁלִיחִים ז׳:ס׳

    ויכרע על ברכיו ויצעק בקול גדול יהוה אל תשמר להם את החטא הזה ויהי אחרי דברו כדבר הזה ויישן׃

  19. מַעֲשֵׂי הַשְּׁלִיחִים ח׳:א׳

    ¶ ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים׃

  20. מַעֲשֵׂי הַשְּׁלִיחִים ח׳:ב׳

    וישאו אנשים חסידים את אסטפנוס ויקברהו ויספדו עליו מספד גדול׃

  21. מַעֲשֵׂי הַשְּׁלִיחִים כ״ב:כ׳

    ובהשפך דם אסטפנוס עדך אף אני עמדתי שם חפץ בהרגתו ושומר את בגדי הרגיו׃