פסוקים על Poor: Unclassified scriptures relating to

ודל לא תהדר בריבו׃

לא תטה משפט אבינך בריבו׃

לא תעשו עול במשפט לא תשא פני דל ולא תהדר פני גדול בצדק תשפט עמיתך׃

יהוה מוריש ומעשיר משפיל אף מרומם׃

ויאמר להם לכו אכלו משמנים ושתו ממתקים ושלחו מנות לאין נכון לו כי קדוש היום לאדנינו ואל תעצבו כי חדות יהוה היא מעזכם׃

וילכו כל העם לאכל ולשתות ולשלח מנות ולעשות שמחה גדולה כי הבינו בדברים אשר הודיעו להם׃

כי אזן שמעה ותאשרני ועין ראתה ותעידני׃

כי אמלט עני משוע ויתום ולא עזר לו׃

ברכת אבד עלי תבא ולב אלמנה ארנן׃

עינים הייתי לעור ורגלים לפסח אני׃

אב אנכי לאביונים ורב לא ידעתי אחקרהו׃

אם לא בכיתי לקשה יום עגמה נפשי לאביון׃

הלא בבטן עשני עשהו ויכננו ברחם אחד׃

אם אמנע מחפץ דלים ועיני אלמנה אכלה׃

ואכל פתי לבדי ולא אכל יתום ממנה׃

כי מנעורי גדלני כאב ומבטן אמי אנחנה׃

אם אראה אובד מבלי לבוש ואין כסות לאביון׃

אם לא ברכוני חלצו ומגז כבשי יתחמם׃

אם הניפותי על יתום ידי כי אראה בשער עזרתי׃

כתפי משכמה תפול ואזרעי מקנה תשבר׃

אשר לא נשא פני שרים ולא נכר שוע לפני דל כי מעשה ידיו כלם׃

טוב מעט לצדיק מהמון רשעים רבים׃

שפטו דל ויתום עני ורש הצדיקו׃

פלטו דל ואביון מיד רשעים הצילו׃

יען אשר לא זכר עשות חסד וירדף איש עני ואביון ונכאה לבב למותת׃