פסוקים על Pharisees: Come to Jesus with questions

ויגשו אליו הפרושים לנסותו לאמר היוכל איש לשלח את אשתו על כל דבר׃

וילכו הפרושים ויתיעצו איך יכשילהו בדבר׃

וישלחו אליו את תלמידיהם עם ההורדוסיים לאמר רבי ידענו כי איש אמת אתה ותורה באמת את דרך אלהים ולא תגור מפני איש כי אינך מכיר פני אדם׃

לכן הגידה נא לנו את דעתך הנכון לנו לתת מס אל הקיסר אם לא׃

וישוע ידע את רשעתם ויאמר החנפים מה תנסוני׃

הראוני את מטבע המס ויביאו לו דינר׃

ויאמר אליהם של מי הצורה הזאת והמכתב אשר עליו׃

ויאמרו אליו של הקיסר ויאמר אליהם לכן תנו לקיסר את אשר לקיסר ולאלהים את אשר לאלהים׃

וכשמעם את זאת תמהו ויעזבהו וילכו להם׃