פסוקים על Patriotism

עורנו כתנור נכמרו מפני זלעפות רעב׃

נשים בציון ענו בתלת בערי יהודה׃

שרים בידם נתלו פני זקנים לא נהדרו׃

בחורים טחון נשאו ונערים בעץ כשלו׃

זקנים משער שבתו בחורים מנגינתם׃

שבת משוש לבנו נהפך לאבל מחלנו׃

נפלה עטרת ראשנו אוי נא לנו כי חטאנו׃

על זה היה דוה לבנו על אלה חשכו עינינו׃

על הר ציון ששמם שועלים הלכו בו׃

אתה יהוה לעולם תשב כסאך לדר ודור׃

למה לנצח תשכחנו תעזבנו לארך ימים׃

השיבנו יהוה אליך ונשוב חדש ימינו כקדם׃

כי אם מאס מאסתנו קצפת עלינו עד מאד׃