פסוקים על Othniel

13 פסוקים · 4 היבטים

פסוקי מפתח

  1. יְהוֹשֻעַ ט״ו:ט״ז

    ויאמר כלב אשר יכה את קרית ספר ולכדה ונתתי לו את עכסה בתי לאשה׃

  2. יְהוֹשֻעַ ט״ו:י״ז

    וילכדה עתניאל בן קנז אחי כלב ויתן לו את עכסה בתו לאשה׃

  3. יְהוֹשֻעַ ט״ו:י״ח

    ויהי בבואה ותסיתהו לשאול מאת אביה שדה ותצנח מעל החמור ויאמר לה כלב מה לך׃

  4. יְהוֹשֻעַ ט״ו:י״ט

    ותאמר תנה לי ברכה כי ארץ הנגב נתתני ונתתה לי גלת מים ויתן לה את גלת עליות ואת גלת תחתיות׃

  5. יְהוֹשֻעַ ט״ו:כ׳

    זאת נחלת מטה בני יהודה למשפחתם׃

  6. שֹׁפְטִים א׳:י״ב

    ויאמר כלב אשר יכה את קרית ספר ולכדה ונתתי לו את עכסה בתי לאשה׃

  7. שֹׁפְטִים א׳:י״ג

    וילכדה עתניאל בן קנז אחי כלב הקטן ממנו ויתן לו את עכסה בתו לאשה׃

  8. שֹׁפְטִים ג׳:ח׳

    ויחר אף יהוה בישראל וימכרם ביד כושן רשעתים מלך ארם נהרים ויעבדו בני ישראל את כושן רשעתים שמנה שנים׃

  9. שֹׁפְטִים ג׳:ט׳

    ויזעקו בני ישראל אל יהוה ויקם יהוה מושיע לבני ישראל ויושיעם את עתניאל בן קנז אחי כלב הקטן ממנו׃

  10. שֹׁפְטִים ג׳:י׳

    ותהי עליו רוח יהוה וישפט את ישראל ויצא למלחמה ויתן יהוה בידו את כושן רשעתים מלך ארם ותעז ידו על כושן רשעתים׃

  11. שֹׁפְטִים ג׳:י״א

    ותשקט הארץ ארבעים שנה וימת עתניאל בן קנז׃

  12. 1 דִּבְרֵי הַיָּמִים ד׳:י״ג

    ובני קנז עתניאל ושריה ובני עתניאל חתת׃

  13. 1 דִּבְרֵי הַיָּמִים ד׳:י״ד

    ומעונתי הוליד את עפרה ושריה הוליד את יואב אבי גיא חרשים כי חרשים היו׃