פסוקים על Old Age

ואתה תבוא אל אבתיך בשלום תקבר בשיבה טובה׃

ויאמר יעקב אל פרעה ימי שני מגורי שלשים ומאת שנה מעט ורעים היו ימי שני חיי ולא השיגו את ימי שני חיי אבתי בימי מגוריהם׃

ומשה בן מאה ועשרים שנה במתו לא כהתה עינו ולא נס לחה׃

ויאמר ברזלי אל המלך כמה ימי שני חיי כי אעלה את המלך ירושלם׃

בן שמנים שנה אנכי היום האדע בין טוב לרע אם יטעם עבדך את אשר אכל ואת אשר אשתה אם אשמע עוד בקול שרים ושרות ולמה יהיה עבדך עוד למשא אל אדני המלך׃

כמעט יעבר עבדך את הירדן את המלך ולמה יגמלני המלך הגמולה הזאת׃

ישב נא עבדך ואמת בעירי עם קבר אבי ואמי והנה עבדך כמהם יעבר עם אדני המלך ועשה לו את אשר טוב בעיניך׃

וימת בשיבה טובה שבע ימים עשר וכבוד וימלך שלמה בנו תחתיו׃

תבוא בכלח אלי קבר כעלות גדיש בעתו׃

ומצהרים יקום חלד תעפה כבקר תהיה׃

בישישים חכמה וארך ימים תבונה׃

ואליהו חכה את איוב בדברים כי זקנים המה ממנו לימים׃

וירא אליהוא כי אין מענה בפי שלשת האנשים ויחר אפו׃

ויען אליהוא בן ברכאל הבוזי ויאמר צעיר אני לימים ואתם ישישים על כן זחלתי ואירא מחות דעי אתכם׃

אמרתי ימים ידברו ורב שנים ידיעו חכמה׃

אכן רוח היא באנוש ונשמת שדי תבינם׃

לא רבים יחכמו וזקנים יבינו משפט׃

וימת איוב זקן ושבע ימים׃

אל תשליכני לעת זקנה ככלות כחי אל תעזבני׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

ימי שנותינו בהם שבעים שנה ואם בגבורת שמונים שנה ורהבם עמל ואון כי גז חיש ונעפה׃

עוד ינובון בשיבה דשנים ורעננים יהיו׃

בחורים וגם בתולות זקנים עם נערים׃

יהללו את שם יהוה כי נשגב שמו לבדו הודו על ארץ ושמים׃

עטרת תפארת שיבה בדרך צדקה תמצא׃