פסוקים על Milcah: 1. Wife of Nahor and mother of Bethuel

ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה׃

ויהי אחרי הדברים האלה ויגד לאברהם לאמר הנה ילדה מלכה גם הוא בנים לנחור אחיך׃

את עוץ בכרו ואת בוז אחיו ואת קמואל אבי ארם׃

ואת כשד ואת חזו ואת פלדש ואת ידלף ואת בתואל׃

ובתואל ילד את רבקה שמנה אלה ילדה מלכה לנחור אחי אברהם׃

ויהי הוא טרם כלה לדבר והנה רבקה יצאת אשר ילדה לבתואל בן מלכה אשת נחור אחי אברהם וכדה על שכמה׃

ותאמר אליו בת בתואל אנכי בן מלכה אשר ילדה לנחור׃

ואשאל אתה ואמר בת מי את ותאמר בת בתואל בן נחור אשר ילדה לו מלכה ואשם הנזם על אפה והצמידים על ידיה׃