פסוקים על Meteorology and Celestial Phenomena

וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה׃

ואד יעלה מן הארץ והשקה את כל פני האדמה׃

ויען יצחק אביו ויאמר אליו הנה משמני הארץ יהיה מושבך ומטל השמים מעל׃

האמר לחרס ולא יזרח ובעד כוכבים יחתם׃

נטה צפון על תהו תלה ארץ על בלי מה׃

צרר מים בעביו ולא נבקע ענן תחתם׃

עמודי שמים ירופפו ויתמהו מגערתו׃

תשיגהו כמים בלהות לילה גנבתו סופה׃

ישאהו קדים וילך וישערהו ממקמו׃

כי הוא לקצות הארץ יביט תחת כל השמים יראה׃

לעשות לרוח משקל ומים תכן במדה׃

בעשתו למטר חק ודרך לחזיז קלות׃

אז ראה ויספרה הכינה וגם חקרה׃

שרשי פתוח אלי מים וטל ילין בקצירי׃

כי יגרע נטפי מים יזקו מטר לאדו׃

אשר יזלו שחקים ירעפו עלי אדם רב׃

אף אם יבין מפרשי עב תשאות סכתו׃

הן פרש עליו אורו ושרשי הים כסה׃

כי בם ידין עמים יתן אכל למכביר׃

על כפים כסה אור ויצו עליה במפגיע׃

יגיד עליו רעו מקנה אף על עולה׃

כי לשלג יאמר הוא ארץ וגשם מטר וגשם מטרות עזו׃

ביד כל אדם יחתום לדעת כל אנשי מעשהו׃

ותבא חיה במו ארב ובמעונתיה תשכן׃

מן החדר תבוא סופה וממזרים קרה׃