פסוקים על Meekness: General references

יאכלו ענוים וישבעו יהללו יהוה דרשיו יחי לבבכם לעד׃

ידרך ענוים במשפט וילמד ענוים דרכו׃

סור מרע ועשה טוב בקש שלום ורדפהו׃

וענוים יירשו ארץ והתענגו על רב שלום׃

משמים השמעת דין ארץ יראה ושקטה׃

בקום למשפט אלהים להושיע כל ענוי ארץ סלה׃

מעודד ענוים יהוה משפיל רשעים עדי ארץ׃

כי רוצה יהוה בעמו יפאר ענוים בישועה׃

ארך אפים רב תבונה וקצר רוח מרים אולת׃

¶ מענה רך ישיב חמה ודבר עצב יעלה אף׃

איש חמה יגרה מדון וארך אפים ישקיט ריב׃

טוב ארך אפים מגבור ומשל ברוחו מלכד עיר׃

¶ טוב פת חרבה ושלוה בה מבית מלא זבחי ריב׃

שכל אדם האריך אפו ותפארתו עבר על פשע׃

כבוד לאיש שבת מריב וכל אויל יתגלע׃

בארך אפים יפתה קצין ולשון רכה תשבר גרם׃

אנשי לצון יפיחו קריה וחכמים ישיבו אף׃

טוב אחרית דבר מראשיתו טוב ארך רוח מגבה רוח׃

אם רוח המושל תעלה עליך מקומך אל תנח כי מרפא יניח חטאים גדולים׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

ויספו ענוים ביהוה שמחה ואביוני אדם בקדוש ישראל יגילו׃

ישב בדד וידם כי נטל עליו׃

יתן בעפר פיהו אולי יש תקוה׃

יתן למכהו לחי ישבע בחרפה׃

הילכו שנים יחדו בלתי אם נועדו׃