פסוקים על Lamp

21 פסוקים · 5 היבטים

פסוקי מפתח

שְׁמֹות כ״ה:ל״א
ועשית מנרת זהב טהור מקשה תעשה המנורה ירכה וקנה גביעיה כפתריה ופרחיה ממנה יהיו׃
שְׁמֹות כ״ה:ל״ב
וששה קנים יצאים מצדיה שלשה קני מנרה מצדה האחד ושלשה קני מנרה מצדה השני׃
שְׁמֹות כ״ה:ל״ג
שלשה גבעים משקדים בקנה האחד כפתר ופרח ושלשה גבעים משקדים בקנה האחד כפתר ופרח כן לששת הקנים היצאים מן המנרה׃
שְׁמֹות כ״ה:ל״ד
ובמנרה ארבעה גבעים משקדים כפתריה ופרחיה׃
שְׁמֹות כ״ה:ל״ה
וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היצאים מן המנרה׃
שְׁמֹות כ״ה:ל״ו
כפתריהם וקנתם ממנה יהיו כלה מקשה אחת זהב טהור׃
שְׁמֹות כ״ה:ל״ז
ועשית את נרתיה שבעה והעלה את נרתיה והאיר על עבר פניה׃
שְׁמֹות כ״ה:ל״ח
ומלקחיה ומחתתיה זהב טהור׃
שְׁמֹות כ״ה:ל״ט
ככר זהב טהור יעשה אתה את כל הכלים האלה׃
שְׁמֹות כ״ה:מ׳
וראה ועשה בתבניתם אשר אתה מראה בהר׃
שְׁמֹות כ״ז:כ׳
ואתה תצוה את בני ישראל ויקחו אליך שמן זית זך כתית למאור להעלת נר תמיד׃
שְׁמֹות כ״ז:כ״א
באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל׃
שְׁמֹות ל״ז:י״ז
ויעש את המנרה זהב טהור מקשה עשה את המנרה ירכה וקנה גביעיה כפתריה ופרחיה ממנה היו׃
שְׁמֹות ל״ז:י״ח
וששה קנים יצאים מצדיה שלשה קני מנרה מצדה האחד ושלשה קני מנרה מצדה השני׃
שְׁמֹות ל״ז:י״ט
שלשה גבעים משקדים בקנה האחד כפתר ופרח ושלשה גבעים משקדים בקנה אחד כפתר ופרח כן לששת הקנים היצאים מן המנרה׃
שְׁמֹות ל״ז:כ׳
ובמנרה ארבעה גבעים משקדים כפתריה ופרחיה׃
שְׁמֹות ל״ז:כ״א
וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היצאים ממנה׃
שְׁמֹות ל״ז:כ״ב
כפתריהם וקנתם ממנה היו כלה מקשה אחת זהב טהור׃
וַיִּקְרָא כ״ד:ב׳
צו את בני ישראל ויקחו אליך שמן זית זך כתית למאור להעלת נר תמיד׃
וַיִּקְרָא כ״ד:ג׳
מחוץ לפרכת העדת באהל מועד יערך אתו אהרן מערב עד בקר לפני יהוה תמיד חקת עולם לדרתיכם׃
וַיִּקְרָא כ״ד:ד׳
על המנרה הטהרה יערך את הנרות לפני יהוה תמיד׃