פסוקים על Industry

46 פסוקים · 23 היבטים

פסוקי מפתח

סינון לפי ספר
  1. מִשְׁלֵי ו׳:ו׳

    לך אל נמלה עצל ראה דרכיה וחכם׃

  2. מִשְׁלֵי ו׳:ז׳

    אשר אין לה קצין שטר ומשל׃

  3. מִשְׁלֵי ו׳:ח׳

    תכין בקיץ לחמה אגרה בקציר מאכלה׃

  4. מִשְׁלֵי י׳:ד׳

    ראש עשה כף רמיה ויד חרוצים תעשיר׃

  5. מִשְׁלֵי י׳:ה׳

    אגר בקיץ בן משכיל נרדם בקציר בן מביש׃

  6. מִשְׁלֵי כ״ז:כ״ג

    ידע תדע פני צאנך שית לבך לעדרים׃

  7. מִשְׁלֵי כ״ז:כ״ד

    כי לא לעולם חסן ואם נזר לדור דור׃

  8. מִשְׁלֵי כ״ז:כ״ה

    גלה חציר ונראה דשא ונאספו עשבות הרים׃

  9. מִשְׁלֵי כ״ז:כ״ו

    כבשים ללבושך ומחיר שדה עתודים׃

  10. מִשְׁלֵי כ״ז:כ״ז

    ודי חלב עזים ללחמך ללחם ביתך וחיים לנערותיך׃

  11. מִשְׁלֵי ל׳:כ״ה

    הנמלים עם לא עז ויכינו בקיץ לחמם׃

  12. מִשְׁלֵי ל׳:כ״ו

    שפנים עם לא עצום וישימו בסלע ביתם׃

  13. מִשְׁלֵי ל׳:כ״ז

    מלך אין לארבה ויצא חצץ כלו׃

  14. מִשְׁלֵי ל׳:כ״ח

    שממית בידים תתפש והיא בהיכלי מלך׃

  15. מִשְׁלֵי ל״א:י״ג

    דרשה צמר ופשתים ותעש בחפץ כפיה׃

  16. מִשְׁלֵי ל״א:י״ד

    היתה כאניות סוחר ממרחק תביא לחמה׃

  17. מִשְׁלֵי ל״א:ט״ו

    ותקם בעוד לילה ותתן טרף לביתה וחק לנערתיה׃

  18. מִשְׁלֵי ל״א:ט״ז

    זממה שדה ותקחהו מפרי כפיה נטע כרם׃

  19. מִשְׁלֵי ל״א:י״ז

    חגרה בעוז מתניה ותאמץ זרעותיה׃

  20. מִשְׁלֵי ל״א:י״ח

    טעמה כי טוב סחרה לא יכבה בליל נרה׃

  21. מִשְׁלֵי ל״א:י״ט

    ידיה שלחה בכישור וכפיה תמכו פלך׃

  22. מִשְׁלֵי ל״א:כ׳

    כפה פרשה לעני וידיה שלחה לאביון׃

  23. מִשְׁלֵי ל״א:כ״א

    לא תירא לביתה משלג כי כל ביתה לבש שנים׃

  24. מִשְׁלֵי ל״א:כ״ב

    מרבדים עשתה לה שש וארגמן לבושה׃

  25. מִשְׁלֵי ל״א:כ״ג

    נודע בשערים בעלה בשבתו עם זקני ארץ׃