פסוקים על Immortality

האנוש מאלוה יצדק אם מעשהו יטהר גבר׃

הן בעבדיו לא יאמין ובמלאכיו ישים תהלה׃

אף שכני בתי חמר אשר בעפר יסודם ידכאום לפני עש׃

מבקר לערב יכתו מבלי משים לנצח יאבדו׃

הלא נסע יתרם בם ימותו ולא בחכמה׃

כי לא תעזב נפשי לשאול לא תתן חסידך לראות שחת׃

תודיעני ארח חיים שבע שמחות את פניך נעמות בימינך נצח׃

אח לא פדה יפדה איש לא יתן לאלהים כפרו׃

ויקר פדיון נפשם וחדל לעולם׃

ויחי עוד לנצח לא יראה השחת׃

כצאן לשאול שתו מות ירעם וירדו בם ישרים לבקר וצירם לבלות שאול מזבל לו׃

אך אלהים יפדה נפשי מיד שאול כי יקחני סלה׃

אמר אלי אל תעלני בחצי ימי בדור דורים שנותיך׃

לפנים הארץ יסדת ומעשה ידיך שמים׃

המה יאבדו ואתה תעמד וכלם כבגד יבלו כלבוש תחליפם ויחלפו׃

ואתה הוא ושנותיך לא יתמו׃

בני עבדיך ישכונו וזרעם לפניך יכון׃

¶ תהלה לדוד ארוממך אלוהי המלך ואברכה שמך לעולם ועד׃

בכל יום אברכך ואהללה שמך לעולם ועד׃

כי לא שאול תודך מות יהללך לא ישברו יורדי בור אל אמתך׃

חי חי הוא יודך כמוני היום אב לבנים יודיע אל אמתך׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

והמשכלים יזהרו כזהר הרקיע ומצדיקי הרבים ככוכבים לעולם ועד׃

והנה איש נגש אליו ויאמר רבי הטוב אי זה הטוב אשר אעשנו לקנות חיי עולמים׃

ויאמר אליו מה תקראני טוב אין טוב כי אם אחד האלהים ואם חפצך לבוא אל החיים שמר את המצות׃