פסוקים על Frontlets

19 פסוקים · 1 היבט

פסוקי מפתח

  1. שְׁמֹות י״ג:ו׳

    שבעת ימים תאכל מצת וביום השביעי חג ליהוה׃

  2. שְׁמֹות י״ג:ז׳

    מצות יאכל את שבעת הימים ולא יראה לך חמץ ולא יראה לך שאר בכל גבלך׃

  3. שְׁמֹות י״ג:ח׳

    והגדת לבנך ביום ההוא לאמר בעבור זה עשה יהוה לי בצאתי ממצרים׃

  4. שְׁמֹות י״ג:ט׳

    והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים׃

  5. שְׁמֹות י״ג:י׳

    ושמרת את החקה הזאת למועדה מימים ימימה׃

  6. שְׁמֹות י״ג:י״א

    והיה כי יבאך יהוה אל ארץ הכנעני כאשר נשבע לך ולאבתיך ונתנה לך׃

  7. שְׁמֹות י״ג:י״ב

    והעברת כל פטר רחם ליהוה וכל פטר שגר בהמה אשר יהיה לך הזכרים ליהוה׃

  8. שְׁמֹות י״ג:י״ג

    וכל פטר חמר תפדה בשה ואם לא תפדה וערפתו וכל בכור אדם בבניך תפדה׃

  9. שְׁמֹות י״ג:י״ד

    והיה כי ישאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים׃

  10. שְׁמֹות י״ג:ט״ו

    ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃

  11. שְׁמֹות י״ג:ט״ז

    והיה לאות על ידכה ולטוטפת בין עיניך כי בחזק יד הוציאנו יהוה ממצרים׃

  12. דְּבָרִים ו׳:א׳

    ¶ וזאת המצוה החקים והמשפטים אשר צוה יהוה אלהיכם ללמד אתכם לעשות בארץ אשר אתם עברים שמה לרשתה׃

  13. דְּבָרִים ו׳:ב׳

    למען תירא את יהוה אלהיך לשמר את כל חקתיו ומצותיו אשר אנכי מצוך אתה ובנך ובן בנך כל ימי חייך ולמען יארכן ימיך׃

  14. דְּבָרִים ו׳:ג׳

    ושמעת ישראל ושמרת לעשות אשר ייטב לך ואשר תרבון מאד כאשר דבר יהוה אלהי אבתיך לך ארץ זבת חלב ודבש׃

  15. דְּבָרִים ו׳:ד׳

    שמע ישראל יהוה אלהינו יהוה אחד׃

  16. דְּבָרִים ו׳:ה׳

    ואהבת את יהוה אלהיך בכל לבבך ובכל נפשך ובכל מאדך׃

  17. דְּבָרִים ו׳:ו׳

    והיו הדברים האלה אשר אנכי מצוך היום על לבבך׃

  18. דְּבָרִים ו׳:ז׳

    ושננתם לבניך ודברת בם בשבתך בביתך ובלכתך בדרך ובשכבך ובקומך׃

  19. דְּבָרִים ו׳:ח׳

    וקשרתם לאות על ידך והיו לטטפת בין עיניך׃