פסוקים על False Prophets

61 פסוקים · 33 היבטים

פסוקי מפתח

יִרְמְיָהוּ כ״ג:י״ז
אמרים אמור למנאצי דבר יהוה שלום יהיה לכם וכל הלך בשררות לבו אמרו לא תבוא עליכם רעה׃
יִרְמְיָהוּ כ״ג:י״ח
כי מי עמד בסוד יהוה וירא וישמע את דברו מי הקשיב דברי וישמע׃
יִרְמְיָהוּ כ״ג:כ״א
לא שלחתי את הנבאים והם רצו לא דברתי אליהם והם נבאו׃
יִרְמְיָהוּ כ״ג:כ״ו
עד מתי היש בלב הנבאים נבאי השקר ונביאי תרמת לבם׃
יִרְמְיָהוּ כ״ג:כ״ז
החשבים להשכיח את עמי שמי בחלומתם אשר יספרו איש לרעהו כאשר שכחו אבותם את שמי בבעל׃
יִרְמְיָהוּ כ״ג:כ״ח
הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוה׃
יִרְמְיָהוּ כ״ג:ל׳
לכן הנני על הנבאים נאם יהוה מגנבי דברי איש מאת רעהו׃
יִרְמְיָהוּ כ״ג:ל״א
הנני על הנביאם נאם יהוה הלקחים לשונם וינאמו נאם׃
יִרְמְיָהוּ כ״ג:ל״ב
הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה נאם יהוה׃
יִרְמְיָהוּ כ״ז:ט׳
ואתם אל תשמעו אל נביאיכם ואל קסמיכם ואל חלמתיכם ואל ענניכם ואל כשפיכם אשר הם אמרים אליכם לאמר לא תעבדו את מלך בבל׃
יִרְמְיָהוּ כ״ז:ט״ו
כי לא שלחתים נאם יהוה והם נבאים בשמי לשקר למען הדיחי אתכם ואבדתם אתם והנבאים הנבאים לכם׃
יִרְמְיָהוּ כ״ז:ט״ז
ואל הכהנים ואל כל העם הזה דברתי לאמר כה אמר יהוה אל תשמעו אל דברי נביאיכם הנבאים לכם לאמר הנה כלי בית יהוה מושבים מבבלה עתה מהרה כי שקר המה נבאים לכם׃
יִרְמְיָהוּ כ״ח:ט״ז
לכן כה אמר יהוה הנני משלחך מעל פני האדמה השנה אתה מת כי סרה דברת אל יהוה׃
יִרְמְיָהוּ כ״ח:י״ז
וימת חנניה הנביא בשנה ההיא בחדש השביעי׃
יִרְמְיָהוּ כ״ט:ל״א
שלח על כל הגולה לאמר כה אמר יהוה אל שמעיה הנחלמי יען אשר נבא לכם שמעיה ואני לא שלחתיו ויבטח אתכם על שקר׃
יִרְמְיָהוּ כ״ט:ל״ב
לכן כה אמר יהוה הנני פקד על שמעיה הנחלמי ועל זרעו לא יהיה לו איש יושב בתוך העם הזה ולא יראה בטוב אשר אני עשה לעמי נאם יהוה כי סרה דבר על יהוה׃
יְחֶזְקֵאל י״ג:ב׳
בן אדם הנבא אל נביאי ישראל הנבאים ואמרת לנביאי מלבם שמעו דבר יהוה׃
יְחֶזְקֵאל י״ג:ד׳
כשעלים בחרבות נביאיך ישראל היו׃
יְחֶזְקֵאל י״ג:י׳
יען וביען הטעו את עמי לאמר שלום ואין שלום והוא בנה חיץ והנם טחים אתו תפל׃
יְחֶזְקֵאל י״ד:ט׳
והנביא כי יפתה ודבר דבר אני יהוה פתיתי את הנביא ההוא ונטיתי את ידי עליו והשמדתיו מתוך עמי ישראל׃
יְחֶזְקֵאל י״ד:י׳
ונשאו עונם כעון הדרש כעון הנביא יהיה׃
יְחֶזְקֵאל כ״ב:כ״ה
קשר נביאיה בתוכה כארי שואג טרף טרף נפש אכלו חסן ויקר יקחו אלמנותיה הרבו בתוכה׃
יְחֶזְקֵאל כ״ב:כ״ח
ונביאיה טחו להם תפל חזים שוא וקסמים להם כזב אמרים כה אמר אדני יהוה ויהוה לא דבר׃
מִיכָה ג׳:ה׳
כה אמר יהוה על הנביאים המתעים את עמי הנשכים בשניהם וקראו שלום ואשר לא יתן על פיהם וקדשו עליו מלחמה׃
מִיכָה ג׳:י״א
ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה׃

מציג 26–50 מתוך 61 פסוקים

הקודם 1 2 3 הבא