פסוקים על Daily Offering

22 פסוקים · 2 היבטים

פסוקי מפתח

שְׁמֹות כ״ט:ל״ח
וזה אשר תעשה על המזבח כבשים בני שנה שנים ליום תמיד׃
שְׁמֹות כ״ט:ל״ט
את הכבש האחד תעשה בבקר ואת הכבש השני תעשה בין הערבים׃
שְׁמֹות כ״ט:מ׳
ועשרן סלת בלול בשמן כתית רבע ההין ונסך רבעית ההין יין לכבש האחד׃
שְׁמֹות כ״ט:מ״א
ואת הכבש השני תעשה בין הערבים כמנחת הבקר וכנסכה תעשה לה לריח ניחח אשה ליהוה׃
שְׁמֹות כ״ט:מ״ב
עלת תמיד לדרתיכם פתח אהל מועד לפני יהוה אשר אועד לכם שמה לדבר אליך שם׃
שְׁמֹות ל׳:ז׳
והקטיר עליו אהרן קטרת סמים בבקר בבקר בהיטיבו את הנרת יקטירנה׃
שְׁמֹות ל׳:ח׳
ובהעלת אהרן את הנרת בין הערבים יקטירנה קטרת תמיד לפני יהוה לדרתיכם׃
שְׁמֹות ל׳:ט׳
לא תעלו עליו קטרת זרה ועלה ומנחה ונסך לא תסכו עליו׃
בְּמִדְבַּר כ״ח:ג׳
ואמרת להם זה האשה אשר תקריבו ליהוה כבשים בני שנה תמימם שנים ליום עלה תמיד׃
בְּמִדְבַּר כ״ח:ד׳
את הכבש אחד תעשה בבקר ואת הכבש השני תעשה בין הערבים׃
בְּמִדְבַּר כ״ח:ה׳
ועשירית האיפה סלת למנחה בלולה בשמן כתית רביעת ההין׃
בְּמִדְבַּר כ״ח:ו׳
עלת תמיד העשיה בהר סיני לריח ניחח אשה ליהוה׃
בְּמִדְבַּר כ״ח:ז׳
ונסכו רביעת ההין לכבש האחד בקדש הסך נסך שכר ליהוה׃
בְּמִדְבַּר כ״ח:ח׳
ואת הכבש השני תעשה בין הערבים כמנחת הבקר וכנסכו תעשה אשה ריח ניחח ליהוה׃
עֶזְרָא ג׳:ד׳
ויעשו את חג הסכות ככתוב ועלת יום ביום במספר כמשפט דבר יום ביומו׃
עֶזְרָא ג׳:ה׳
ואחריכן עלת תמיד ולחדשים ולכל מועדי יהוה המקדשים ולכל מתנדב נדבה ליהוה׃
עֶזְרָא ג׳:ו׳
מיום אחד לחדש השביעי החלו להעלות עלות ליהוה והיכל יהוה לא יסד׃
יְחֶזְקֵאל מ״ו:י״ג
וכבש בן שנתו תמים תעשה עולה ליום ליהוה בבקר בבקר תעשה אתו׃
יְחֶזְקֵאל מ״ו:י״ד
ומנחה תעשה עליו בבקר בבקר ששית האיפה ושמן שלישית ההין לרס את הסלת מנחה ליהוה חקות עולם תמיד׃
יְחֶזְקֵאל מ״ו:ט״ו
ועשו את הכבש ואת המנחה ואת השמן בבקר בבקר עולת תמיד׃
דָּנִיֵּאל ט׳:כ״ו
ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃
דָּנִיֵּאל ט׳:כ״ז
והגביר ברית לרבים שבוע אחד וחצי השבוע ישבית זבח ומנחה ועל כנף שקוצים משמם ועד כלה ונחרצה תתך על שמם׃