פסוקים על Circumcision: Covenant promises of

אני הנה בריתי אתך והיית לאב המון גוים׃

ולא יקרא עוד את שמך אברם והיה שמך אברהם כי אב המון גוים נתתיך׃

והפרתי אתך במאד מאד ונתתיך לגוים ומלכים ממך יצאו׃

והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃

ויאמר אלהים אל אברהם ואתה את בריתי תשמר אתה וזרעך אחריך לדרתם׃

זאת בריתי אשר תשמרו ביני וביניכם ובין זרעך אחריך המול לכם כל זכר׃

ונמלתם את בשר ערלתכם והיה לאות ברית ביני וביניכם׃

ובן שמנת ימים ימול לכם כל זכר לדרתיכם יליד בית ומקנת כסף מכל בן נכר אשר לא מזרעך הוא׃

המול ימול יליד ביתך ומקנת כספך והיתה בריתי בבשרכם לברית עולם׃

וערל זכר אשר לא ימול את בשר ערלתו ונכרתה הנפש ההוא מעמיה את בריתי הפר׃

ולא על היותם זרע אברהם כלם בנים הם כי ביצחק יקרא לך זרע׃

כלומר לא בני הבשר המה בני האלהים כי אם בני ההבטחה הם הנחשבים לזרע׃

כי דבר הבטחה הוא מה שנאמר למועד אשוב ולשרה בן׃

ולא זאת בלבד כי כן היה גם ברבקה בהיותה הרה לאחד ליצחק אבינו׃

כי בטרם ילדו בניה ועוד לא עשו טוב או רע למען תקום עצת האלהים כפי בחירתו לא מתוך מעשים כי אם כרצון הקרא׃

נאמר לה כי רב יעבד צעיר׃

ככתוב ואהב את יעקב ואת עשו שנאתי׃