פסוקים על Captivity

14 פסוקים · 4 היבטים

פסוקי מפתח

  1. 2 מְלָכִים י״ז:כ״ג

    עד אשר הסיר יהוה את ישראל מעל פניו כאשר דבר ביד כל עבדיו הנביאים ויגל ישראל מעל אדמתו אשורה עד היום הזה׃

  2. 2 מְלָכִים י״ז:כ״ד

    ויבא מלך אשור מבבל ומכותה ומעוא ומחמת וספרוים וישב בערי שמרון תחת בני ישראל וירשו את שמרון וישבו בעריה׃

  3. 2 מְלָכִים י״ח:ט׳

    ויהי בשנה הרביעית למלך חזקיהו היא השנה השביעית להושע בן אלה מלך ישראל עלה שלמנאסר מלך אשור על שמרון ויצר עליה׃

  4. 2 מְלָכִים י״ח:י׳

    וילכדה מקצה שלש שנים בשנת שש לחזקיה היא שנת תשע להושע מלך ישראל נלכדה שמרון׃

  5. 2 מְלָכִים י״ח:י״א

    ויגל מלך אשור את ישראל אשורה וינחם בחלח ובחבור נהר גוזן וערי מדי׃

  6. 2 מְלָכִים י״ח:י״ב

    על אשר לא שמעו בקול יהוה אלהיהם ויעברו את בריתו את כל אשר צוה משה עבד יהוה ולא שמעו ולא עשו׃

  7. יִרְמְיָהוּ כ״ט:י״ז

    כה אמר יהוה צבאות הנני משלח בם את החרב את הרעב ואת הדבר ונתתי אותם כתאנים השערים אשר לא תאכלנה מרע׃

  8. יִרְמְיָהוּ כ״ט:י״ח

    ורדפתי אחריהם בחרב ברעב ובדבר ונתתים לזועה לכל ממלכות הארץ לאלה ולשמה ולשרקה ולחרפה בכל הגוים אשר הדחתים שם׃

  9. יִרְמְיָהוּ כ״ט:י״ט

    תחת אשר לא שמעו אל דברי נאם יהוה אשר שלחתי אליהם את עבדי הנבאים השכם ושלח ולא שמעתם נאם יהוה׃

  10. אֵיכָה א׳:ג׳

    גלתה יהודה מעני ומרב עבדה היא ישבה בגוים לא מצאה מנוח כל רדפיה השיגוה בין המצרים׃

  11. אֵיכָה א׳:ד׳

    דרכי ציון אבלות מבלי באי מועד כל שעריה שוממין כהניה נאנחים בתולתיה נוגות והיא מר לה׃

  12. אֵיכָה א׳:ה׳

    היו צריה לראש איביה שלו כי יהוה הוגה על רב פשעיה עולליה הלכו שבי לפני צר׃

  13. יְחֶזְקֵאל ל״ט:כ״ג

    וידעו הגוים כי בעונם גלו בית ישראל על אשר מעלו בי ואסתר פני מהם ואתנם ביד צריהם ויפלו בחרב כלם׃

  14. יְחֶזְקֵאל ל״ט:כ״ד

    כטמאתם וכפשעיהם עשיתי אתם ואסתר פני מהם׃