פסוקים על Babylon

186 פסוקים · 73 היבטים

פסוקי מפתח

סינון לפי ספר
  1. יְחֶזְקֵאל י״ז:י״ז

    ולא בחיל גדול ובקהל רב יעשה אותו פרעה במלחמה בשפך סללה ובבנות דיק להכרית נפשות רבות׃

  2. יְחֶזְקֵאל י״ז:י״ח

    ובזה אלה להפר ברית והנה נתן ידו וכל אלה עשה לא ימלט׃

  3. יְחֶזְקֵאל י״ז:י״ט

    לכן כה אמר אדני יהוה חי אני אם לא אלתי אשר בזה ובריתי אשר הפיר ונתתיו בראשו׃

  4. יְחֶזְקֵאל י״ז:כ׳

    ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל בי׃

  5. יְחֶזְקֵאל י״ז:כ״א

    ואת כל מברחו בכל אגפיו בחרב יפלו והנשארים לכל רוח יפרשו וידעתם כי אני יהוה דברתי׃

  6. יְחֶזְקֵאל י״ז:כ״ב

    כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול׃

  7. יְחֶזְקֵאל י״ז:כ״ג

    בהר מרום ישראל אשתלנו ונשא ענף ועשה פרי והיה לארז אדיר ושכנו תחתיו כל צפור כל כנף בצל דליותיו תשכנה׃

  8. יְחֶזְקֵאל י״ז:כ״ד

    וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתי׃

  9. יְחֶזְקֵאל כ״א:י״ט

    ואתה בן אדם שים לך שנים דרכים לבוא חרב מלך בבל מארץ אחד יצאו שניהם ויד ברא בראש דרך עיר ברא׃

  10. יְחֶזְקֵאל כ״א:כ׳

    דרך תשים לבוא חרב את רבת בני עמון ואת יהודה בירושלם בצורה׃

  11. יְחֶזְקֵאל כ״א:כ״א

    כי עמד מלך בבל אל אם הדרך בראש שני הדרכים לקסם קסם קלקל בחצים שאל בתרפים ראה בכבד׃

  12. יְחֶזְקֵאל כ״א:כ״ב

    בימינו היה הקסם ירושלם לשום כרים לפתח פה ברצח להרים קול בתרועה לשום כרים על שערים לשפך סללה לבנות דיק׃

  13. יְחֶזְקֵאל כ״א:כ״ג

    והיה להם כקסום שוא בעיניהם שבעי שבעות להם והוא מזכיר עון להתפש׃

  14. יְחֶזְקֵאל כ״א:כ״ד

    לכן כה אמר אדני יהוה יען הזכרכם עונכם בהגלות פשעיכם להראות חטאותיכם בכל עלילותיכם יען הזכרכם בכף תתפשו׃

  15. יְחֶזְקֵאל כ״א:כ״ה

    ואתה חלל רשע נשיא ישראל אשר בא יומו בעת עון קץ׃

  16. יְחֶזְקֵאל כ״א:כ״ו

    כה אמר אדני יהוה הסיר המצנפת והרים העטרה זאת לא זאת השפלה הגבה והגבה השפיל׃

  17. יְחֶזְקֵאל כ״א:כ״ז

    עוה עוה עוה אשימנה גם זאת לא היה עד בא אשר לו המשפט ונתתיו׃

  18. יְחֶזְקֵאל כ״א:כ״ח

    ואתה בן אדם הנבא ואמרת כה אמר אדני יהוה אל בני עמון ואל חרפתם ואמרת חרב חרב פתוחה לטבח מרוטה להכיל למען ברק׃

  19. יְחֶזְקֵאל כ״א:כ״ט

    בחזות לך שוא בקסם לך כזב לתת אותך אל צוארי חללי רשעים אשר בא יומם בעת עון קץ׃

  20. יְחֶזְקֵאל כ״א:ל׳

    השב אל תערה במקום אשר נבראת בארץ מכרותיך אשפט אתך׃

  21. יְחֶזְקֵאל כ״א:ל״א

    ושפכתי עליך זעמי באש עברתי אפיח עליך ונתתיך ביד אנשים בערים חרשי משחית׃

  22. יְחֶזְקֵאל כ״א:ל״ב

    לאש תהיה לאכלה דמך יהיה בתוך הארץ לא תזכרי כי אני יהוה דברתי׃

  23. יְחֶזְקֵאל כ״ט:י״ח

    בן אדם נבוכדראצר מלך בבל העביד את חילו עבדה גדלה אל צר כל ראש מקרח וכל כתף מרוטה ושכר לא היה לו ולחילו מצר על העבדה אשר עבד עליה׃

  24. יְחֶזְקֵאל כ״ט:י״ט

    לכן כה אמר אדני יהוה הנני נתן לנבוכדראצר מלך בבל את ארץ מצרים ונשא המנה ושלל שללה ובזז בזה והיתה שכר לחילו׃

  25. יְחֶזְקֵאל כ״ט:כ׳

    פעלתו אשר עבד בה נתתי לו את ארץ מצרים אשר עשו לי נאם אדני יהוה׃