TRV
circa 800–400 BC
The Hebrew Prophets
God speaks through Isaiah, Jeremiah, and the minor prophets—calling Israel to repentance and foretelling the coming Messiah.
פסוקים מתקופה זו
- יִרְמְיָהוּ נ״א:י״חבערך תקצ״ה לפנה״ס
הבל המה מעשה תעתעים בעת פקדתם יאבדו׃
- יִרְמְיָהוּ נ״א:י״טבערך תקצ״ה לפנה״ס
לא כאלה חלק יעקוב כי יוצר הכל הוא ושבט נחלתו יהוה צבאות שמו׃
- יִרְמְיָהוּ נ״א:כ׳בערך תקצ״ה לפנה״ס
מפץ אתה לי כלי מלחמה ונפצתי בך גוים והשחתי בך ממלכות׃
- יִרְמְיָהוּ נ״א:כ״אבערך תקצ״ה לפנה״ס
ונפצתי בך סוס ורכבו ונפצתי בך רכב ורכבו׃
- יִרְמְיָהוּ נ״א:כ״בבערך תקצ״ה לפנה״ס
ונפצתי בך איש ואשה ונפצתי בך זקן ונער ונפצתי בך בחור ובתולה׃
- יִרְמְיָהוּ נ״א:כ״גבערך תקצ״ה לפנה״ס
ונפצתי בך רעה ועדרו ונפצתי בך אכר וצמדו ונפצתי בך פחות וסגנים׃
- יִרְמְיָהוּ נ״א:כ״דבערך תקצ״ה לפנה״ס
ושלמתי לבבל ולכל יושבי כשדים את כל רעתם אשר עשו בציון לעיניכם נאם יהוה׃
- יִרְמְיָהוּ נ״א:כ״הבערך תקצ״ה לפנה״ס
הנני אליך הר המשחית נאם יהוה המשחית את כל הארץ ונטיתי את ידי עליך וגלגלתיך מן הסלעים ונתתיך להר שרפה׃
- יִרְמְיָהוּ נ״א:כ״ובערך תקצ״ה לפנה״ס
ולא יקחו ממך אבן לפנה ואבן למוסדות כי שממות עולם תהיה נאם יהוה׃
- יִרְמְיָהוּ נ״א:כ״זבערך תקצ״ה לפנה״ס
שאו נס בארץ תקעו שופר בגוים קדשו עליה גוים השמיעו עליה ממלכות אררט מני ואשכנז פקדו עליה טפסר העלו סוס כילק סמר׃
- יִרְמְיָהוּ נ״א:כ״חבערך תקצ״ה לפנה״ס
קדשו עליה גוים את מלכי מדי את פחותיה ואת כל סגניה ואת כל ארץ ממשלתו׃
- יִרְמְיָהוּ נ״א:כ״טבערך תקצ״ה לפנה״ס
ותרעש הארץ ותחל כי קמה על בבל מחשבות יהוה לשום את ארץ בבל לשמה מאין יושב׃
- יִרְמְיָהוּ נ״א:ל׳בערך תקצ״ה לפנה״ס
חדלו גבורי בבל להלחם ישבו במצדות נשתה גבורתם היו לנשים הציתו משכנתיה נשברו בריחיה׃
- יִרְמְיָהוּ נ״א:ל״אבערך תקצ״ה לפנה״ס
רץ לקראת רץ ירוץ ומגיד לקראת מגיד להגיד למלך בבל כי נלכדה עירו מקצה׃
- יִרְמְיָהוּ נ״א:ל״בבערך תקצ״ה לפנה״ס
והמעברות נתפשו ואת האגמים שרפו באש ואנשי המלחמה נבהלו׃
- יִרְמְיָהוּ נ״א:ל״גבערך תקצ״ה לפנה״ס
כי כה אמר יהוה צבאות אלהי ישראל בת בבל כגרן עת הדריכה עוד מעט ובאה עת הקציר לה׃
- יִרְמְיָהוּ נ״א:ל״דבערך תקצ״ה לפנה״ס
אכלנו הממנו נבוכדראצר מלך בבל הציגנו כלי ריק בלענו כתנין מלא כרשו מעדני הדיחנו׃
- יִרְמְיָהוּ נ״א:ל״הבערך תקצ״ה לפנה״ס
חמסי ושארי על בבל תאמר ישבת ציון ודמי אל ישבי כשדים תאמר ירושלם׃
- יִרְמְיָהוּ נ״א:ל״ובערך תקצ״ה לפנה״ס
לכן כה אמר יהוה הנני רב את ריבך ונקמתי את נקמתך והחרבתי את ימה והבשתי את מקורה׃
- יִרְמְיָהוּ נ״א:ל״זבערך תקצ״ה לפנה״ס
והיתה בבל לגלים מעון תנים שמה ושרקה מאין יושב׃
- יִרְמְיָהוּ נ״א:ל״חבערך תקצ״ה לפנה״ס
יחדו ככפרים ישאגו נערו כגורי אריות׃
- יִרְמְיָהוּ נ״א:ל״טבערך תקצ״ה לפנה״ס
בחמם אשית את משתיהם והשכרתים למען יעלזו וישנו שנת עולם ולא יקיצו נאם יהוה׃
- יִרְמְיָהוּ נ״א:מ׳בערך תקצ״ה לפנה״ס
אורידם ככרים לטבוח כאילים עם עתודים׃
- יִרְמְיָהוּ נ״א:מ״אבערך תקצ״ה לפנה״ס
איך נלכדה ששך ותתפש תהלת כל הארץ איך היתה לשמה בבל בגוים׃
- יִרְמְיָהוּ נ״א:מ״בבערך תקצ״ה לפנה״ס
עלה על בבל הים בהמון גליו נכסתה׃