Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. וַיִּקְרָא ח׳:י״ט

    וישחט ויזרק משה את הדם על המזבח סביב׃

  2. וַיִּקְרָא ח׳:כ׳

    ואת האיל נתח לנתחיו ויקטר משה את הראש ואת הנתחים ואת הפדר׃

  3. וַיִּקְרָא ח׳:כ״א

    ואת הקרב ואת הכרעים רחץ במים ויקטר משה את כל האיל המזבחה עלה הוא לריח ניחח אשה הוא ליהוה כאשר צוה יהוה את משה׃

  4. וַיִּקְרָא ח׳:כ״ג

    וישחט ויקח משה מדמו ויתן על תנוך אזן אהרן הימנית ועל בהן ידו הימנית ועל בהן רגלו הימנית׃

  5. וַיִּקְרָא ח׳:כ״ד

    ויקרב את בני אהרן ויתן משה מן הדם על תנוך אזנם הימנית ועל בהן ידם הימנית ועל בהן רגלם הימנית ויזרק משה את הדם על המזבח סביב׃

  6. וַיִּקְרָא ח׳:כ״ח

    ויקח משה אתם מעל כפיהם ויקטר המזבחה על העלה מלאים הם לריח ניחח אשה הוא ליהוה׃

  7. וַיִּקְרָא ח׳:כ״ט

    ויקח משה את החזה ויניפהו תנופה לפני יהוה מאיל המלאים למשה היה למנה כאשר צוה יהוה את משה׃

  8. וַיִּקְרָא ח׳:ל׳

    ויקח משה משמן המשחה ומן הדם אשר על המזבח ויז על אהרן על בגדיו ועל בניו ועל בגדי בניו אתו ויקדש את אהרן את בגדיו ואת בניו ואת בגדי בניו אתו׃

  9. וַיִּקְרָא ח׳:ל״א

    ויאמר משה אל אהרן ואל בניו בשלו את הבשר פתח אהל מועד ושם תאכלו אתו ואת הלחם אשר בסל המלאים כאשר צויתי לאמר אהרן ובניו יאכלהו׃

  10. וַיִּקְרָא ח׳:ל״ו

    ויעש אהרן ובניו את כל הדברים אשר צוה יהוה ביד משה׃

  11. וַיִּקְרָא ט׳:א׳

    ¶ ויהי ביום השמיני קרא משה לאהרן ולבניו ולזקני ישראל׃

  12. וַיִּקְרָא ט׳:ה׳

    ויקחו את אשר צוה משה אל פני אהל מועד ויקרבו כל העדה ויעמדו לפני יהוה׃

  13. וַיִּקְרָא ט׳:ו׳

    ויאמר משה זה הדבר אשר צוה יהוה תעשו וירא אליכם כבוד יהוה׃

  14. וַיִּקְרָא ט׳:ז׳

    ויאמר משה אל אהרן קרב אל המזבח ועשה את חטאתך ואת עלתך וכפר בעדך ובעד העם ועשה את קרבן העם וכפר בעדם כאשר צוה יהוה׃

  15. וַיִּקְרָא ט׳:י׳

    ואת החלב ואת הכלית ואת היתרת מן הכבד מן החטאת הקטיר המזבחה כאשר צוה יהוה את משה׃

  16. וַיִּקְרָא ט׳:כ״א

    ואת החזות ואת שוק הימין הניף אהרן תנופה לפני יהוה כאשר צוה משה׃

  17. וַיִּקְרָא ט׳:כ״ג

    ויבא משה ואהרן אל אהל מועד ויצאו ויברכו את העם וירא כבוד יהוה אל כל העם׃

  18. וַיִּקְרָא י׳:ג׳

    ויאמר משה אל אהרן הוא אשר דבר יהוה לאמר בקרבי אקדש ועל פני כל העם אכבד וידם אהרן׃

  19. וַיִּקְרָא י׳:ד׳

    ויקרא משה אל מישאל ואל אלצפן בני עזיאל דד אהרן ויאמר אלהם קרבו שאו את אחיכם מאת פני הקדש אל מחוץ למחנה׃

  20. וַיִּקְרָא י׳:ה׳

    ויקרבו וישאם בכתנתם אל מחוץ למחנה כאשר דבר משה׃

  21. וַיִּקְרָא י׳:ו׳

    ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל יבכו את השרפה אשר שרף יהוה׃

  22. וַיִּקְרָא י׳:ז׳

    ומפתח אהל מועד לא תצאו פן תמתו כי שמן משחת יהוה עליכם ויעשו כדבר משה׃

  23. וַיִּקְרָא י׳:י״א

    ולהורת את בני ישראל את כל החקים אשר דבר יהוה אליהם ביד משה׃

  24. וַיִּקְרָא י׳:י״ב

    וידבר משה אל אהרן ואל אלעזר ואל איתמר בניו הנותרים קחו את המנחה הנותרת מאשי יהוה ואכלוה מצות אצל המזבח כי קדש קדשים הוא׃

  25. וַיִּקְרָא י׳:ט״ז

    ואת שעיר החטאת דרש דרש משה והנה שרף ויקצף על אלעזר ועל איתמר בני אהרן הנותרם לאמר׃