TRV
Jesus
ידוע גם בשם: Jesus Christ, Immanuel, Emmanuel, Christ
פסוקים המזכירים את Jesus
וישוע דבר על מותו והמה חשבו כי על מנוחת השנה דבר׃
אז גלה ישוע את אזנם ויאמר אליהם לעזר מת׃
ושמח אני בגללכם כי לא הייתי שם למען תאמינו ועתה נסעה ונלכה אליו׃
ויאמר תומא הנקרא דידומוס אל התלמידים חבריו נלכה גם אנחנו למען נמות עמו׃
ויבא ישוע וימצאהו זה ארבעה ימים שכב בקבר׃
ויהי כשמע מרתא כי ישוע בא ותצא לקרתו ומרים יושבת בבית׃
ותאמר מרתא אל ישוע אדני אלו היית פה כי אז לא מת אחי׃
וגם עתה ידעתי כי כל אשר תשאל מאת אלהים יתן לך אלהים׃
ויאמר אליה ישוע קום יקום אחיך׃
ותאמר אליו מרתא ידעתי כי יקום בתקומה ביום האחרון׃
ויאמר אליה ישוע אנכי התקומה והחיים המאמין בי יחיה גם כי ימות׃
וכל החי אשר יאמין בי לא ימות לעולם התאמיני זאת׃
ותאמר אליו כן אדני האמנתי כי אתה המשיח בן האלהים הבא לעולם׃
היא שמעה ותמהר לקום ותבא אליו׃
וישוע טרם יבא אל הכפר כי עודנו עמד במקום אשר פגשתו שם מרתא׃
ותבא מרים אל המקום אשר ישוע עמד שם ותרא אתו ותפל לרגליו ותאמר לו אדני אלו היית פה כי אז לא מת אחי׃
ויהי כראות ישוע אתה בכיה וגם היהודים אשר באו אתה בכים ותזעם רוחו ויהי מרעיד׃
ויאמר איפה שמתם אתו ויאמרו אליו אדני בא וראה׃
ויבך ישוע׃
ויאמרו היהודים הנה מה גדלה אהבתו אתו׃
ומקצתם אמרו הפקח עיני העור הלא יכל לעשות שגם זה לא ימות׃
ויוסף עוד ישוע להזעם ברוחו ויבא אל הקבר והוא מערה ואבן על מבואה׃
ויאמר ישוע שאו את האבן מעליה ותאמר אליו מרתא אחות המת אדני הנה כבר באש כי ארבעה ימים לו׃
ויאמר אליה ישוע הלא אמרתי לך כי אם תאמיני תחזי את כבוד האלהים׃
וישאו את האבן אשר המת הושם שם וישוע נשא את עיניו למרום ויאמר אודך אבי כי עניתני׃