עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. וַיִּקְרָא י״ט:י״ד

    לא תקלל חרש ולפני עור לא תתן מכשל ויראת מאלהיך אני יהוה׃

  2. וַיִּקְרָא י״ט:ט״ז

    לא תלך רכיל בעמיך לא תעמד על דם רעך אני יהוה׃

  3. וַיִּקְרָא י״ט:י״ח

    לא תקם ולא תטר את בני עמך ואהבת לרעך כמוך אני יהוה׃

  4. וַיִּקְרָא י״ט:י״ט

    את חקתי תשמרו בהמתך לא תרביע כלאים שדך לא תזרע כלאים ובגד כלאים שעטנז לא יעלה עליך׃

  5. וַיִּקְרָא י״ט:כ״א

    והביא את אשמו ליהוה אל פתח אהל מועד איל אשם׃

  6. וַיִּקְרָא י״ט:כ״ב

    וכפר עליו הכהן באיל האשם לפני יהוה על חטאתו אשר חטא ונסלח לו מחטאתו אשר חטא׃

  7. וַיִּקְרָא י״ט:כ״ד

    ובשנה הרביעת יהיה כל פריו קדש הלולים ליהוה׃

  8. וַיִּקְרָא י״ט:כ״ה

    ובשנה החמישת תאכלו את פריו להוסיף לכם תבואתו אני יהוה אלהיכם׃

  9. וַיִּקְרָא י״ט:כ״ח

    ושרט לנפש לא תתנו בבשרכם וכתבת קעקע לא תתנו בכם אני יהוה׃

  10. וַיִּקְרָא י״ט:ל׳

    את שבתתי תשמרו ומקדשי תיראו אני יהוה׃

  11. וַיִּקְרָא י״ט:ל״א

    אל תפנו אל האבת ואל הידענים אל תבקשו לטמאה בהם אני יהוה אלהיכם׃

  12. וַיִּקְרָא י״ט:ל״ב

    מפני שיבה תקום והדרת פני זקן ויראת מאלהיך אני יהוה׃

  13. וַיִּקְרָא י״ט:ל״ד

    כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃

  14. וַיִּקְרָא י״ט:ל״ו

    מאזני צדק אבני צדק איפת צדק והין צדק יהיה לכם אני יהוה אלהיכם אשר הוצאתי אתכם מארץ מצרים׃

  15. וַיִּקְרָא י״ט:ל״ז

    ושמרתם את כל חקתי ואת כל משפטי ועשיתם אתם אני יהוה׃

  16. וַיִּקְרָא כ׳:א׳

    ¶ וידבר יהוה אל משה לאמר׃

  17. וַיִּקְרָא כ׳:ג׳

    ואני אתן את פני באיש ההוא והכרתי אתו מקרב עמו כי מזרעו נתן למלך למען טמא את מקדשי ולחלל את שם קדשי׃

  18. וַיִּקְרָא כ׳:ה׳

    ושמתי אני את פני באיש ההוא ובמשפחתו והכרתי אתו ואת כל הזנים אחריו לזנות אחרי המלך מקרב עמם׃

  19. וַיִּקְרָא כ׳:ו׳

    והנפש אשר תפנה אל האבת ואל הידענים לזנות אחריהם ונתתי את פני בנפש ההוא והכרתי אתו מקרב עמו׃

  20. וַיִּקְרָא כ׳:ז׳

    והתקדשתם והייתם קדשים כי אני יהוה אלהיכם׃

  21. וַיִּקְרָא כ׳:ח׳

    ושמרתם את חקתי ועשיתם אתם אני יהוה מקדשכם׃

  22. וַיִּקְרָא כ׳:כ״ב

    ושמרתם את כל חקתי ואת כל משפטי ועשיתם אתם ולא תקיא אתכם הארץ אשר אני מביא אתכם שמה לשבת בה׃

  23. וַיִּקְרָא כ׳:כ״ג

    ולא תלכו בחקת הגוי אשר אני משלח מפניכם כי את כל אלה עשו ואקץ בם׃

  24. וַיִּקְרָא כ׳:כ״ד

    ואמר לכם אתם תירשו את אדמתם ואני אתננה לכם לרשת אתה ארץ זבת חלב ודבש אני יהוה אלהיכם אשר הבדלתי אתכם מן העמים׃

  25. וַיִּקְרָא כ׳:כ״ה

    והבדלתם בין הבהמה הטהרה לטמאה ובין העוף הטמא לטהר ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמא׃