עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. וַיִּקְרָא י״ז:ו׳

    וזרק הכהן את הדם על מזבח יהוה פתח אהל מועד והקטיר החלב לריח ניחח ליהוה׃

  2. וַיִּקְרָא י״ז:ט׳

    ואל פתח אהל מועד לא יביאנו לעשות אתו ליהוה ונכרת האיש ההוא מעמיו׃

  3. וַיִּקְרָא י״ז:י׳

    ואיש איש מבית ישראל ומן הגר הגר בתוכם אשר יאכל כל דם ונתתי פני בנפש האכלת את הדם והכרתי אתה מקרב עמה׃

  4. וַיִּקְרָא י״ז:י״א

    כי נפש הבשר בדם הוא ואני נתתיו לכם על המזבח לכפר על נפשתיכם כי הדם הוא בנפש יכפר׃

  5. וַיִּקְרָא י״ז:י״ב

    על כן אמרתי לבני ישראל כל נפש מכם לא תאכל דם והגר הגר בתוככם לא יאכל דם׃

  6. וַיִּקְרָא י״ז:י״ד

    כי נפש כל בשר דמו בנפשו הוא ואמר לבני ישראל דם כל בשר לא תאכלו כי נפש כל בשר דמו הוא כל אכליו יכרת׃

  7. וַיִּקְרָא י״ח:א׳

    ¶ וידבר יהוה אל משה לאמר׃

  8. וַיִּקְרָא י״ח:ב׳

    דבר אל בני ישראל ואמרת אלהם אני יהוה אלהיכם׃

  9. וַיִּקְרָא י״ח:ג׳

    כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו׃

  10. וַיִּקְרָא י״ח:ד׳

    את משפטי תעשו ואת חקתי תשמרו ללכת בהם אני יהוה אלהיכם׃

  11. וַיִּקְרָא י״ח:ה׳

    ושמרתם את חקתי ואת משפטי אשר יעשה אתם האדם וחי בהם אני יהוה׃

  12. וַיִּקְרָא י״ח:ו׳

    איש איש אל כל שאר בשרו לא תקרבו לגלות ערוה אני יהוה׃

  13. וַיִּקְרָא י״ח:כ״א

    ומזרעך לא תתן להעביר למלך ולא תחלל את שם אלהיך אני יהוה׃

  14. וַיִּקְרָא י״ח:כ״ד

    אל תטמאו בכל אלה כי בכל אלה נטמאו הגוים אשר אני משלח מפניכם׃

  15. וַיִּקְרָא י״ח:כ״ה

    ותטמא הארץ ואפקד עונה עליה ותקא הארץ את ישביה׃

  16. וַיִּקְרָא י״ח:כ״ו

    ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

  17. וַיִּקְרָא י״ח:ל׳

    ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם׃

  18. וַיִּקְרָא י״ט:א׳

    ¶ וידבר יהוה אל משה לאמר׃

  19. וַיִּקְרָא י״ט:ב׳

    דבר אל כל עדת בני ישראל ואמרת אלהם קדשים תהיו כי קדוש אני יהוה אלהיכם׃

  20. וַיִּקְרָא י״ט:ג׳

    איש אמו ואביו תיראו ואת שבתתי תשמרו אני יהוה אלהיכם׃

  21. וַיִּקְרָא י״ט:ד׳

    אל תפנו אל האלילים ואלהי מסכה לא תעשו לכם אני יהוה אלהיכם׃

  22. וַיִּקְרָא י״ט:ה׳

    וכי תזבחו זבח שלמים ליהוה לרצנכם תזבחהו׃

  23. וַיִּקְרָא י״ט:ח׳

    ואכליו עונו ישא כי את קדש יהוה חלל ונכרתה הנפש ההוא מעמיה׃

  24. וַיִּקְרָא י״ט:י׳

    וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃

  25. וַיִּקְרָא י״ט:י״ב

    ולא תשבעו בשמי לשקר וחללת את שם אלהיך אני יהוה׃