עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. וַיִּקְרָא כ׳:כ״ו

    והייתם לי קדשים כי קדוש אני יהוה ואבדל אתכם מן העמים להיות לי׃

  2. וַיִּקְרָא כ״א:א׳

    ¶ ויאמר יהוה אל משה אמר אל הכהנים בני אהרן ואמרת אלהם לנפש לא יטמא בעמיו׃

  3. וַיִּקְרָא כ״א:ו׳

    קדשים יהיו לאלהיהם ולא יחללו שם אלהיהם כי את אשי יהוה לחם אלהיהם הם מקריבם והיו קדש׃

  4. וַיִּקְרָא כ״א:ז׳

    אשה זנה וחללה לא יקחו ואשה גרושה מאישה לא יקחו כי קדש הוא לאלהיו׃

  5. וַיִּקְרָא כ״א:ח׳

    וקדשתו כי את לחם אלהיך הוא מקריב קדש יהיה לך כי קדוש אני יהוה מקדשכם׃

  6. וַיִּקְרָא כ״א:י״ב

    ומן המקדש לא יצא ולא יחלל את מקדש אלהיו כי נזר שמן משחת אלהיו עליו אני יהוה׃

  7. וַיִּקְרָא כ״א:ט״ו

    ולא יחלל זרעו בעמיו כי אני יהוה מקדשו׃

  8. וַיִּקְרָא כ״א:ט״ז

    וידבר יהוה אל משה לאמר׃

  9. וַיִּקְרָא כ״א:י״ז

    דבר אל אהרן לאמר איש מזרעך לדרתם אשר יהיה בו מום לא יקרב להקריב לחם אלהיו׃

  10. וַיִּקְרָא כ״א:כ״א

    כל איש אשר בו מום מזרע אהרן הכהן לא יגש להקריב את אשי יהוה מום בו את לחם אלהיו לא יגש להקריב׃

  11. וַיִּקְרָא כ״א:כ״ב

    לחם אלהיו מקדשי הקדשים ומן הקדשים יאכל׃

  12. וַיִּקְרָא כ״א:כ״ג

    אך אל הפרכת לא יבא ואל המזבח לא יגש כי מום בו ולא יחלל את מקדשי כי אני יהוה מקדשם׃

  13. וַיִּקְרָא כ״ב:א׳

    ¶ וידבר יהוה אל משה לאמר׃

  14. וַיִּקְרָא כ״ב:ב׳

    דבר אל אהרן ואל בניו וינזרו מקדשי בני ישראל ולא יחללו את שם קדשי אשר הם מקדשים לי אני יהוה׃

  15. וַיִּקְרָא כ״ב:ג׳

    אמר אלהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההוא מלפני אני יהוה׃

  16. וַיִּקְרָא כ״ב:ח׳

    נבלה וטרפה לא יאכל לטמאה בה אני יהוה׃

  17. וַיִּקְרָא כ״ב:ט׳

    ושמרו את משמרתי ולא ישאו עליו חטא ומתו בו כי יחללהו אני יהוה מקדשם׃

  18. וַיִּקְרָא כ״ב:ט״ו

    ולא יחללו את קדשי בני ישראל את אשר ירימו ליהוה׃

  19. וַיִּקְרָא כ״ב:ט״ז

    והשיאו אותם עון אשמה באכלם את קדשיהם כי אני יהוה מקדשם׃

  20. וַיִּקְרָא כ״ב:י״ז

    וידבר יהוה אל משה לאמר׃

  21. וַיִּקְרָא כ״ב:י״ח

    דבר אל אהרן ואל בניו ואל כל בני ישראל ואמרת אלהם איש איש מבית ישראל ומן הגר בישראל אשר יקריב קרבנו לכל נדריהם ולכל נדבותם אשר יקריבו ליהוה לעלה׃

  22. וַיִּקְרָא כ״ב:כ״א

    ואיש כי יקריב זבח שלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה בו׃

  23. וַיִּקְרָא כ״ב:כ״ב

    עורת או שבור או חרוץ או יבלת או גרב או ילפת לא תקריבו אלה ליהוה ואשה לא תתנו מהם על המזבח ליהוה׃

  24. וַיִּקְרָא כ״ב:כ״ד

    ומעוך וכתות ונתוק וכרות לא תקריבו ליהוה ובארצכם לא תעשו׃

  25. וַיִּקְרָא כ״ב:כ״ה

    ומיד בן נכר לא תקריבו את לחם אלהיכם מכל אלה כי משחתם בהם מום בם לא ירצו לכם׃